每日都家務繁忙, 都無咗心情寫blog, 其實都係自己迫自己, 又唔係大家族, 簡單家庭要應付唔難！
可能係自己麻煩, 樣樣都要鋪排, 唔同有工人姐姐時, 採用放任政策, 無眼睇嘛; 雖然忙係忙咗, 但合自己心意, 一切順眼, 心情自然靚番; 仲有心情改動吓家居陳設, 要換張梳化, 整吓櫃仔換吓顏色咁啦 :)
 |
| 呢張梳化坐多幾日啦, 咁鮮艷嘅色彩睇到好厭喇 :p |
可能資訊發達, 要上網搵資料唔難, 呢方面有好有唔好啦, 對我嚟講就做成咗負擔, 已經有好多次, 好無謂咁自己嚇自己一大餐!
唉, 改唔到對號入座嘅習慣!
每次見到一D類似嘅病徵, 已經嚇到快呼吸困難, 要拿捏唔會掉以輕心, 又唔過份緊張, 都真係唔容易啊!
香港近來好似多咗毛孩嘅家長認識順勢療法, 從網上見到, 當佢哋嘅毛孩有事, 都有唔少從呢方面諗辦法; 更有正識獸醫幫忙訂藥跟進, 呢個係好事, 可以比大家多一個選擇!
有咗另類療法, 比一D對傳統藥物有不良反應嘅寶貝, 有多一個機會治療啦!
豆b仍繼續服用緊healthy heart, 本來預算食2星期就停止, 原來係我有誤解; 2星期係停止高劑量, 豆b一開始都只係用低劑量, 咁就要食一段時間先慢慢減, 直到穩定先停晒!
豆b反應好正面, 毛質越嚟越好, 摸落感覺到比之前濃密, 但仲未100%順滑, 而其他方面又未有明顯改變, 都係嫌佢活動力不足啦; 決定食足一個月再睇情況, 再請教順勢嘅醫生啦!
達達近日又脚仔震番, 可能天氣改變又病發喇, 我比番hindleg support佢食又好似幫助唔大, 咁又叫Mi幫我emailed澳洲喇; 澳洲順勢醫生叫我加多一款療劑, 幫咗佢活動時關節順滑; 達達食咗明顯有改善, 食咗兩日震少咗好多喇 !
雖然係越洋問診, 但勝在服用呢類療劑安全, click唔中最多係無幫助, 唔會食錯藥引起危險嘛; 咁當然都唔想亂撞啦, 當然係想一click即中, 都係將病狀明言, 等順勢醫生配對較貼切喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
