波波情緒一向緊張, 可能係受我呢個緊張媽媽影響, 罪魁禍手係我 :(
我好想好想幫呢個仔將緊張嘅情緒釋放, 亦試過用另類療法去幫助, 之前有用過花藥, 近期就試用順勢療劑, 可惜都幫唔到波波, 佢依然故我!
早幾日請Mi再幫我向澳洲順勢醫生求助, 問問仲有無其他療劑可以幫到波波, 但答覆竟然係叫我用T-touch去幫個仔啊!
一直都好想學T-touch去幫波波, 亦曾經睇片學習過, 唔知係我手法唔正確, 還是根本從我指尖傳遞嘅訊息有錯, 我可能都係將我嘅緊張傳達咗, 佢一直都避開我嘅按摩:(
我點會就咁就死心, 我一定要諗個辦法將呢個困難克服咗, 當我做完家務有空閒時間, 我就逐條片逐個youtube再去睇仔細觀摩, 去搵吓仲有無其他方法, 可以試做過!
琴日終於睇到條片教得好清楚, 我都有跟住去做, 但波波都係唔enjoyed比我摸, 還好去到片尾, 我睇到有利用到個化粧掃去幫助!
可能有輔助物, 無直接從我指尖接收到錯誤傳遞, 波波竟然好享受喎, 不過個面仔都係未掂得囉 :)
我唔知我呢個所謂T-touch有無做錯, 但只要幫到波波, 佢肯受落, 比我按摩, 我就會繼續慢慢學到正確!
但願有一日波波會放鬆到繃緊嘅情緒, 身心健康!
https://www.youtube.com/watch?v=BUSDe-KFTwk
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
