 |
| 相片連結 |
又見到有網友慨歎狗狗年紀漸大, 要接受現實, 始終有一日會離開, 日子在倒數喇!
可能睇得太多負面消息, 呢幾日咁嘅想法都出現過喺我腦海, 祈求時間唔好過得咁快!
今日, 又睇到呢篇漫畫, 好真實; 但就睇到揦心揦肺 :(
原圖連結:
https://www.facebook.com/ThreeDogsFamily/photos/pb.222139195690.-2207520000.1445622946./10156249521290691/?type=3&theater
No No No , 決定唔再睇呢D傷感嘅事實, V一早就叫我唔好再接觸呢D負面新聞, 要遠離呢D負能量, 要積極開心啊!
仍然會一貫小心養呢3隻豬仔, 盡自己能力比佢哋最好嘅照顧, 但求每日都開開心心, 要大家此生無憾!
每日同波波做吓按摩, 可能咁樣做佢舒服, 無避開我喎 :)
V將會引入一款治療毯, 日新月異, 多咗好多對肌肉、關節疼痛嘅相關產品, 有呢類困擾嘅朋友比以前幸運; 呢款毯會發射遠紅外線, 就咁簡簡單單當被冚, 就可以得到成效, 我一定唔會忘記3隻豬啦; 預訂咗, 12月就有貨喇!
希望用咗會減輕3隻豬肌肉、關節、肌腱、韌帶等嘅疼痛同僵硬, 我做盡呢一切都係希望佢哋嘅生活有好嘅品質; 生命不在乎長短, 但一定要優質, 如果每日要受折磨真係好殘忍!
呢個係一年前睇住姐姐被頑疾折磨時, 比我深刻嘅體會, 對待生命有咗唔同嘅睇法!
他日....如果日子到來, 我希望我嘅豬仔走得瀟洒, 無牽無掛, 唔需要掛住媽媽; 而我, 縱然會傷心, 有不捨, 但無自責, 無遺憾 ; 喺我哋相聚嘅日子裡面, 我哋對大家都付出咗百份百真心!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
