 |
| 相片連結 |
Ka認識嘅一隻小約瑟琴日發生不幸, 狗狗氣管收縮呼吸困難, 雖然立刻趕往太平道醫院急救, 但最終都係反魂無術.....救唔返 :'(
近日有好幾隻狗狗都係差不多原因, 有先天氣管下塌, 有心臟病引發氣管收窄, 呼吸困難, 都走咗喇; 似乎同氣管收窄有關, 引發嘅呼吸困難, 都好似九死一生, 好難救得返; 呢種情況又嚟得極急, 實在可怕!
我對呢個病徵當然特別關注啦, 松松天生係氣管差嘛, 而且每次體檢醫生都會講相同說話, 話豆b氣管差!
可能年紀漸長, 波波氣管都比以前敏感喇, 但之前照過X-ray, 話佢氣管屬粗壯㗎, 希望有時聽見佢咳兩聲只係敏感啦!
但豆b就唔同, 佢係氣管下塌, 仲影響埋心臟泵血差, 每聽見有狗狗因為呼吸困難而離開, 我都好驚呀!
琴日Ka提到有醫生建議隻約瑟試用順勢療法, Ka都即叫Mi代訂, 但遠水又點救到近火? D藥要等澳洲寄返嚟呀!
終於狗狗都係等唔到, 走咗喇!
從來無諗過可以用順勢療法預防, 我一直都係出現咗病徵先向澳洲順勢醫生救助, 今次我比呢個不幸警醒咗, 我要儲備有關藥物做個預防!
我諗如果情況去到好危急好嚴重, 就咩都無幫助喇, 希望自己會喺病發嘅好早期察覺, 即刻用藥可以有一線希望啦!
豆b食咗心臟嘅順勢療劑近廿日喇, 都係最明顯係見到毛質改善, 其他就一切如常, 希望keep住穩定狀態唔會再抽筋咁啦, 我已經心滿意足喇!
會慢慢幫佢減藥, 然後試停咗healty heart, 只用heart tonic保養, 但願3隻豬仔保養住個心仔, 都唔會有大麻煩啦!
 |
| 豆b嘅毛毛係順滑返, 無之前咁一束束喇! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
