 |
| 相片連結 |
豆b健康出咗問題, Mi幫我向澳洲順勢療法嘅醫生問診, 將豆b病發情況講清楚, 佢建議豆b食healthy heart呢組順勢藥, 推斷都應該係年紀漸大, 又氣管狹窄, 影響咗個心仔泵血呢個原因.
豆b食咗順勢心臟療劑有十二日喇, 一切正常, 起碼見唔到壞影響, 其他行走活動能力都一樣, 未見特別標青, 不過有一個意外驚喜, 就係佢毛質變返靚!
都有好一段日子發覺佢毛毛變旱, 點做都攪唔好, 日日噴神奇水按摩, 都比佢食fur restore順勢藥, 但都係無用; 眼見佢D毛點梳都乾到黐埋一束束, 都唔知仲有咩可以幫到忙!
自從食咗順勢治療呢隻心臟藥, 我親眼見証住佢嘅毛毛一日比一日好, 第一日我半信半疑, 第二日摸落係覺得有唔同, 但都仲係一束束, 到咗第四日, 全家人都見到佢嘅毛毛已經變返蓬鬆, 真好!
 |
| 之前無論點梳,D毛都會自動糾結埋, 之後就就明顯鬆得開喇 ! |
今日摸到豆b毛毛變得比前段時間軟滑, 食咗呢隻療劑帶出呢個效果, 就証明到呢組藥有click中, 因為外觀嘅改變係人人都可以見到!
決定比埋heart tonic波波達達做調理, 等佢哋都可以增強心臟肌肉, 幫助血液循環, 希望幫到佢哋唔再抽筋啦!
順勢療法嘅醫生除咗叫豆b服用呢組藥, 仲建議咗隻補充品, 睇過介紹都適合3隻豬服用, 介紹話狗狗滿7歲就應該補充呢隻supplement, 咁又要麻煩Mi幫我從美國訂購喇!
琴日收到貨喇, 即刻比3隻豬試吓, 希望3隻豬會鍾意呢個味道啦, 事關呢3隻皇帝豬好麻煩, 有D味道餵佢哋好難!
還好3隻豬都受落, 食得OK, 希望加咗呢隻supplement, 3隻豬仔嘅健康會有improvement!
有同樣問題嘅毛孩家長都可以參考吓, 但是否適合都係好個人, 家長餵毛孩任何嘢都要好小心, 要做多D資料搜集!
http://products.mercola.com/healthypets/ubiquinol-coq10/
除咗買呢D補充品外, Mi仲介紹我買咗件衫比豆b, 係日本出品嘅功能性背心, 因為睇過資料心臟血流唔順暢嘅狗狗, 個身會比正常嘅為熱, 或凍, 而豆b個身又真係熱過人!
或者因為咁, 佢會唔舒服, 即使檢查過皮膚無事, 佢都成日抓個身; 睇落一件好平凡嘅背心, 但又真係可以將個身降溫, 豆b瞓著後我摸過佢個身, 又真係涼浸浸!
豆b睇落瞓得好舒服, 一件睇落咁平凡嘅背心, 又真係有佢嘅價值, 做得到佢嘅功能, 真係貴D都買得甘心!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
