 |
| 豆b你唔好玩啦, 快D好返啦! |
經過飲食調較, 豆b胃口好似好返, 一連兩日都肯自己進食無困難, 點知今日又再麻煩, 又唔肯食喇, 眼見佢胃口時好時壞, 精神又麻麻, 都真係無心機啦!
上網揾資料都令我心情時好時壞, 有時會對號入座比自己壓力大, 但又做唔到望天打卦乜都唔諗呀!
依家都未有方向要點做啦, 一切都要等覆診再驗血, 睇吓bun會唔會降返, 心裏面有件事未放低, 咩都無心機攪!
最麻煩係斷症呢關, 豆b嘅驗血其實唔係超差, 但無胃口實在難放下, 自己想喺屋企用試紙驗吓尿, 有多D資訊support嘛!
我從來無諗過原來買樽動物驗尿試紙咁難, search到台灣有得賣, 滿心歡喜以為好簡單, Mi話下星期去台灣可以直接幫我帶返嚟, 以為攪掂晒!
emailed去台灣, 點知石沉大海無回覆啊!
不停上網搵搵搵, 大多都係出售人用嘅產品, 其實我估計都係一樣可用, 不過有關嘅對照就可能會唔同喇; 當然想將程序簡化, 除非真係無可能買到動物用嘅啦!
不停搜尋, 都只係搵到美個有一間有動物試紙出售, 希望今次無麻煩啦!
又要麻煩Mi幫忙喇, 隔山買牛我唔識攪, 真係多謝佢出門在即忙到C, 仲offer幫我做呢件事啦, 做我3隻豬嘅守護天使真係難!
仲要多謝佢自己種小麥草比狗狗之餘, 都無忘記送一盆比我3隻豬仔加餸啊!
比豆b時好時壞咁攪到我無晒心機, 元宵嗰日明明好地地, 等我仲開咗罐靚靚曲奇, 同3隻豬分享咗一小啖椰子餅, 又同盒靚靚好味餅影番幾張相, 點知一下又打回原形 :(
今日補祝大家元宵節快樂, 係日日都要快樂啊!
