又試新嘢, 今次比3隻豬仔試磷蝦油!
相信對保健品關心嘅朋友, 對磷蝦油一定唔會陌生, 不過我都嘗試將搵到嘅資料同大家分享, 大家可以慢慢研究!
磷蝦油同魚油都係提供EPA同DHA嘅補充, 但兩者嘅omega 3脂肪酸結構係唔相同嘅,我自己就打算做個間隔,咁各方面都可以關顧到啦!
一向用補充品都習慣用一段時間就轉吓,魚油都用咗好一段時間喇,今次就用磷蝦油間一間, 試吓食幾個月, 睇吓見唔見到有咩分別, 然後再食返魚油啦!
搵到嘅資料, 就話磷蝦油同魚油都係對心臟, 大腦同關節健康有益, 但磷蝦油就比較全面, 如果想簡單咁用一樽油可以同時保持大腦、 膽固醇代謝、 眼睛、 肝功能健康, 又可以補充到omega 3, 咁磷蝦油就最方便不過喇; 而魚油就能夠提供更高劑量嘅omega 3脂肪酸, 亦証實咗有效舒緩炎症相關嘅症狀, 例如風濕性關節炎.
今次為3隻豬仔揀選咗Dr. Mercola Antarctic krill oil, 可以支持正常嘅大腦同神經功能, 咁對3隻豬都好適合, 如果有興趣比狗狗試下用磷蝦油, 可以點擊下面嘅連結, 有非常非常詳細嘅資料, 大家可以做吓功課啦!
http://products.mercola.com/healthypets/krill-oil-for-pets/
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
