 |
| 相片連結 |
到咗中午, 天氣轉晴, 仲有陽光, 已經好耐無同3隻豬仔出外喇, 就決定帶埋新姐姐出去行吓; 落到樓下見到過年佈置仲未拆, 就當然影吓相啦!
平時一講到去街, 3隻豬都好雀躍嘅, 琴日一見部車仔, 接近瘋狂咁樣, 不過出到外面, 兩個女嘅反應都有異於平常, 達達耐咗無出去有D驚, 豆b又呆呆吽吽咁樣 :(
每次同3隻豬影相, 都一定吸引到街坊, 琴日都如常, 都有人加入同3隻豬猛影相!
其中當然有好多comment,又問吓年紀性別呢幾樣, 我都習而為常喇, 真係好多謝大家咁愛錫我3隻豬仔, 我聽到咁多讚美梗係開心到暈頭轉向啦!
琴日聽到其中一位街坊讚波波, 話3隻豬當中佢最醒目, 琴日波波嘅表現都算係良好, 無亂吠一通!
自從養咗達達, 都好耐無聽到波波嘅歌頌喇, 想以前每次帶波波出去, 都會有人讚佢動作靈巧又有靚步操, 自從同達達一齊後, 無可避免風頭比隻公主搶咗囉!
豆b呢排有D怪, 平常咁為食豬, 呢排總要我拎起個兜遞到面前先肯食, 又唔係好活躍啦; 已經量過體溫係正常, 大小便又無異狀嘛, 一直以為係牙仔痛!
到今日, 見到佢又行得麻麻, 又間中縮起前手....唉! 估計係頸椎出事喇!!!
已經密密做保養, 但敵唔過天氣變幻, 咁潮濕真係煩, 開住抽濕都唔掂啊!
第一時間先攻順勢療法, 再加多D物理治療, 希望過到關啦!
 |
| 照多幾次iwand, 再熱敷條頸 |
 |
| 照埋紅外線, 希望得啦! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
