豆b無胃口都有成個禮拜喇, 但一直搵唔到確實原因, 一開始懷疑牙仔痛, 跟住就好似椎間盤出問題, 用咗不同嘅順勢療劑, 都醫唔好佢嘅胃口!
每日都小心觀察, 又全身小心按壓, 唔覺得佢有任何異常; 掀開口仔檢查, 牙肉無白, 再數量佢呼吸速度, 見佢肚仔起伏甚有規律, 大小便同體溫都正常, 甚致行動都再無偏差, 咁究竟係衰咗邊樣呀?
豆b只係對正餐無興趣, 但對零食仍雀躍, 一日3餐中都只係晚餐唔正常, 早午餐都會食光, 雖然速度同之前比較唔係咁理想!
唔知應否帶佢見醫生, 但又好擔心去睇完仲攞命, 唔係無聽聞為小心起見帶毛孩去睇病, 就因為無明顯病狀, 結果要做好多特別檢查, 攪到毛孩嘅狀況仲雪上加霜, 我真係矛盾又不安!
屋企人都建議再觀望, 阿女就話毛孩有病時體味會唔正常, 但又唔覺豆b有呢個徵狀, 唉! 究竟要點做先正確?
豆b見零食仲會追討, 我選擇再觀望, 希望佢只係食滯咗, 而我嘅決定係做得恰當啦!
我無任何comment, 只係睇到呢段個心好唔安樂, 不過老實咁講, 睇咗係有一定影響咗我嘅決定囉!
"狗狗之前唔食野，睇左個醫生話牙有問題要剝牙，叫我搵其他診所再check，隔左日佢就失禁，個晚咪搵X醫生，我先生抱佢去睇，話抽左血都唔知咩事，又話照緊x ray，都唔夠十分鐘打黎話死左。
佢話個姑娘夾住佢隻手都唔知，又無晴晴直插喉抽痰，就係甘抖唔到氣。
佢對眼一路都合唔埋。 佢好傷心，佢話企係旁邊睇住阿仔比人舞，我唔敢再問。"
https://www.facebook.com/groups/1495441740690700/permalink/1668926086675597/
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
