 |
| 相片連結 |
年近歲晚, 自己辦年貨之餘, 都無忘記同3隻豬仔訂羊奶粉!
先始聲明, 我無鼓勵狗狗飲奶, 亦唔係所有情況下飲奶都係好嘅, 仲要小心選擇飲用嘅係乜嘢奶; 當然狗狗本身係哺乳期、幼犬期、成年期、老年期就分別好大, 而飲用份量更要好好掌握!
其實我3隻豬仔年紀開始大, 新陳代謝會減慢, 實在唔係咁適合飲奶, 不過正因為佢哋年紀漸大, 對於佢哋鍾意嘅食物我都想盡量滿足佢哋, 不過一定會拿捏喺安全範圍, 提醒自己要切記唔好愛佢變成害佢啦!
所以會嚴選品質優良嘅羊奶, 每星期少少哋比一次啦!
羊奶脂肪粒係牛奶嘅三分之一, 營養元素含量非常多, 且乳糖含量較低, 高營養易吸收, 狗狗對羊奶嘅吸收率高達94%以上, 因此狗狗飲用羊奶一般唔會出現嘔吐同肚屙嘅現象, 而對羊奶嘅吸收消化時間僅係2-3小時; 即使我D豬仔咁嘅年紀, 一星期餵少量係唔會有壞處, 又可以滿足到佢哋嘛!
見到佢哋好開心咁飲到舔晒脷, 邊捨得唔比吖!
 |
| 訂多兩包風乾三文魚比3隻豬啦:) |
講咗咁耐好似無咩正面想法, 咁其實又唔係啦, 羊奶中富含EGF(上表皮生長因子), 可為幼犬, 老年犬增強免疫力, 狗狗受傷恢復期間飲用羊奶最佳, 可以令傷患恢復得更快; 另外, 羊奶中富含大量游離狀態嘅磷、鈣、等微量元素, 可以令狗狗嘅皮毛更順更亮滑, 對狗狗長期皮毛乾燥有顯著改善㗎!
羊奶中含有比牛奶更豐富嘅蛋白質、鈣、磷、維生素A、B等營養成分, 能夠更好補充營養, 其特有嘅EGF因數仲有益於腸胃及呼吸道健康!
對於狗狗嚟講, 羊奶嘅營養成分喺自然界中最近似母乳, 被國際營養學界譽為“奶中之王”.
http://naturalanimalsolutions.com.au/Shop/product/goat-milk-powder/
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
