3隻豬暫時算係風平浪靜, 但唔係身體嘅毛病已解決, 豆b仍係身罹重病; 祇係今次從豆b嘅病, 我學會作出妥協, 唔再執意要求完美無瑕!
身體嘅機能隨住年紀老化, 本來就係正常事, 碰啱佢哋本身底子較差, 都無辦法, 我又有乜本事將呢個自然定律推翻?
但求盡量將唔理想嘅指標平衡吓, 基本嘅生活質素可以正常返, 食得瞓得去得行得, 我仲有乜嘢可求吖?
自問已經不停咁搵辦法, 好幸運今次click中布緯療法, 豆b算係死過翻生, 我好感恩喇; 就等我哋好好珍惜呢D賺返來嘅日子, 過得幾耐就幾耐啦; 唔再多想, 但求佢舒舒服服無痛苦就滿足喇!
 |
| 食布緯雪糕豆b對眼仔發晒光㗎 :) |
從今次豆b嘅病, 見証咗除咗正統西醫西藥, 係有其他可行嘅辦法; 即使正統治療無路行, 都唔使灰心啦, 世界咁大有好多另類療法, 只要心存希望, 去正面搵解決辦法, 戰鬥至最後一刻就無遺憾喇!
開始閲讀V送比我嘅書, 睇咗個introduction已經認同, 往後再睇落去一定得著更大 :)
最近都有幫波波達達用試紙驗尿, 達達算係一切正常返, 無見到有發炎現象, PH值都去返6.5喇; 繼續用紅莓液, acidic vit C慢慢減!
波波仍然驗到有尿蛋白, 其他都正常啦, 尿蛋白似乎好難攪, 唯有請澳洲順勢醫生為佢custom made療劑啦; 感覺澳洲嘅療師好有heart, 有email叫我補充波波若干資料, 唔係估估吓是是旦旦, 希望會有好D嘅療效啦!
豆b同波波係孖生, 又有相同問題, 可能基因有關; 波波用順勢療法又唔係一定夾, 比較麻煩!
已經無咗心急如焚嘅感覺, 雖然發生喺我最寶貝嘅波波豬身上, 我都唔再藥石亂投發晒矛; 盡能力用食療幫吓, 食D保腎嘅食物, 都比佢早晚用布緯療法啦!
 |
| 波波都超鍾意食布緯雪糕 :) |
祇希望保持到正常嘅生活質素, 但願身體唔好急促衰老亦無痛苦, 生命長短...我要學習放開懷抱喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
