 |
| 相片連結 |
真係好耐無帶3隻豬仔出去喇, 天氣熱到呼吸困難, 今日見好似有D風, 就同佢哋落樓下行吓; 行咗無幾耐, 已經熱到爆, 自己都唔想再行, 更加唔想佢哋熱得咁慘, 都係快快返屋企喇!
豆b用咗布緯療法後, 一直情況穩定無更差, 其實見到佢毛髮有進展, 毛質亦唔太壞, 厚番D喇; 不過近幾日又唔係好肯食, 又要手餵, 萬望佢唔好連布緯雪糕都唔肯食就好喇!
已經用針筒又餵咗有一星期, 連肉肉都唔肯自己食, 咁飄忽都唔知點攪 :(
 |
| 毛髮比之前有進步 |
幸好今日又有好轉, 總算自己肯食番, 雖然食得好慢有唔想食嘅表情, 但都算食清晒; 豆b好乖, 我知佢有盡力配合, Ka有幫我傳心, 呢個女答應會乖乖 :)
到咗臨瞓要再食布緯雪糕, 我入咗廚房準備, 竟然見到佢跟住我, 仲企喺門口等食啊 :)
果然今次食得好快, 希望瞓醒唔會又差番!
我都明白呢個病, 唔敢奢望有得好返, 祇望平穩嘅日子過耐D啦!
其他兩隻豬, 都各有各麻煩, 到咗一定年紀同以前都一定有差距喇, 唯有接受現實去面對, 見招拆招啦!
