一直七上八落嘅心情暫時可以take a break :)
豆b仍繼續食用布緯食療, 效果理想, 食呢個diet帶動到佢嘅胃口, 依家都算係每日肯自己食, 而體重都有少少回升喇(到咗惡病質嘅邊界線); 當然相比起佢正常體重, 仍有一段距離, 但比起佢最差嘅時期, 跌到得番1.4kg, 我已經好歡喜, 祇要唔好一直下滑, 我已經好感激!
其實最初見佢有好轉反應, 我有D驚, 已經去到咁差嘅階段, 我驚係迴光返照; 所以一則以喜, 一則以憂, 只係靜觀其變, 叫自己放寬心情!
但開始感覺佢毛髮嘅變化, 觸手感覺變軟滑, 之前又旱又結埋一束束, 已經鬆返, 呢個係重要嘅指標, 話我知佢真係有好轉喇; 雖然唔知可以維持幾耐, 但我哋總算有過努力, 豆b真係有配合媽媽, 不枉我早起晚睡, 又無時間瞓吓晏覺😙
當然豆b唔係正常健康狀態, 但就無再比我感覺到佢好快會離開啦, 呢D係賺返嚟嘅日子, 我會倍加珍惜, 對佢格外關懷, 要抱多D呢隻豬仔喇 😘
但願豆b食得瞓得, 好好咁過餘下嘅每一日啦!
 |
| 神奇嘅budwig diet, 真慶幸佢咁鍾意! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
