 |
| 相片連結 |
諗返之前小公主嚟探訪3隻豬, 每次都係暑假喎 :)
3隻豬都好耐無見朋友仔喇, 依家出外更難, 天氣唔好豆b又身體差, 都好難出去喇, 但仍希望天氣轉涼D, 同佢哋出去行吓!
波波呢隻宅男反應唔太差, 偶然發吓神經跳吓, 全程跟住朋友仔, 想玩又唔敢玩; 達達呢隻惡豬仔, 多多意見嘈嘈閉, 最曳曳; 豆b一向最好客, 見到朋友仔好開心, 不過, 有病嘅身體無得呃, 好快就無電要返入帳篷瞓覺!
A話明年暑假再嚟探豆b, 叫佢要加油啊!
一年有365日, 話短唔短, 話長....一眨眼就過咗喇, 太多變數, 唔敢往後諗咁遠喇!
多謝A關心豆b, 見到黑杞子有益於肝腎, 就幫我買咗比豆b; 睇過介紹好處真係唔少, 咁就比晒3隻豬仔都試吓, 齊齊做個補益啦 :)
黑枸杞係枸杞嘅一種, 主要生長喺海拔2800米-3000米嘅柴達木盆地沙漠地帶, 非常珍貴稀少, 所以好多人都無聽過.
黑枸杞可以補腎益精, 養肝明目, 補血安神, 治肝腎陰虧, 腰膝酸軟. 佢嘅滋補效果遠高於紅色枸杞, 被譽為“滋補軟黃金”.
黑枸杞同紅枸杞最大嘅不同係- 黑枸杞含有大量嘅原花青素, 係迄今為止, 發現原花青素OPC含量最高嘅天然野生植物. 原花青素OPC係最有效嘅天然水溶性自由基清除劑. 黑枸杞中嘅花青素(Anthocyanosides)有清除自由基嘅功效, 亦令到癌細胞無法順利擴散, 藉此保護更多健康嘅細胞免於被癌細胞侵蝕.
下面有幾個連結,大家可以睇睇, 呢隻青海黑杞子嘅功效同作用.
http://tungcheong.blogspot.hk/2016/07/blog-post_19.html
https://www.youtube.com/watch?v=Oc042m_xke0
http://healthystationhk.com/index.php?route=product/product&product_id=62
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
