近日波波氣管有D唔妥, 間中會咳幾声, 我除咗比佢食順勢療劑, 當然再加上聞氣保養; 近日有留意毛孩聞氧氣作保健, 見到家長用狗籠做簡易嘅氧氣箱, 又比左我靈感, 用作舒緩氣管聞氣, 放小朋友入去都好方便喎!
又試下呢個方法是否可行, 希望做所有治療唔會帶比佢哋壓力, 琴日試放波波入去再開機, 好OK :)
我呢個細籠用作吸氣都好完美, 只有前面疏通, 其他全部密封, 祇須用膠膜稍封一封, 就可以集中霧化整個籠, 波波聞氣又輕鬆, 當然記得唔可以全密封啦!
我會坐喺佢身邊陪伴, 時刻監察有無變化, 亦等佢見到我會安安樂樂咁放鬆!
琴日放佢3次入籠, 每節15分鐘, 氣管好大改進, 呢個方法好好用 :)
豆b呢兩日又唔肯自己食肉肉, 還好仲肯食布緯雪糕, 見佢精神都幾好, 唔再比自己加添煩腦喇; 要記住每一日相處嘅美好, 呢D日子係extra bonus, 我要預咗佢唔會活得更老!
一直以來, 每個人嘅正常心態都係有病就想醫好, 但我已經接受到, 器官功能衰老係無得修補; 呢種病唔係發炎發燒 ,用藥都唔會醫得好, 只係想減緩老化嘅速度!
每日都調整心態, 唔再執著於個病會唔會好, 更唔會再比D化驗數據帶比自己煩腦, 每日眼見到佢哋正常生活就係好!
做, 我仍然努力繼續做, 驗尿試紙仍會用, 畢竟有D報告係有利於早期幫到, 例如矯正PH值呢種就有好大作用; 但一切目標係佢哋要過得舒服, 保持到正常嘅生活質素, 至於其他化驗嘅報告好唔好, 驗咗知道又幫唔到, 我已經無符!
人類有換心, 換肝腎, 就明白器官受損到一定程度, 就用乜嘢治療都無用; 毛孩無呢類治療, 就祇好接受時間到就生命告終!
世界上無長生不老, 真係有不死亦未必好, 只係不捨嘅情緒難自控!
如果...我嘅豬仔要離開, 我一定心痛到四分五裂, 肝腸寸斷, 淚流滿面....
所有呢D詞語都不足以形容!
網上睇到呢篇文章好觸動, 同大家分享!
這半年，你累嗎？
近來你受了多少委屈近來有多少心酸
近來經歷過多少艱難
最近付出了多少不被人知的辛苦......
http://zhentoo.site/doc77121/1579
