 |
| 每次餵食完我要走時就咁望住, 真係心都軟晒! |
阿女又出差, 呢幾日又要去餵貓貓, 又要帶波波做物理治療, 都好忙呀, 感覺有D攰; 仲遇啱天氣咁差, 時冷時熱, 時晴時雨好麻煩!
個人攰就抵抗力差, 琴晚半夜感覺沾寒沾凍又喉嚨痛, 都知死喇, 今早起身食粒成藥又趕出去餵貓貓, 以為OK啦, 到咗中午感覺好唔妥, 原來發燒喇, 還好傍晚阿女已回港, 我可以休息吓!
 |
| 貓B又真係好嗲我嘅 |
我自己病都無所謂啦, 咁大個人自己有分數要點辦, 但波波就要靠我去幫佢喇, 即使病都無忘記同佢做艾灸, 見到波波做後效果頗理想, 腳仔行得有力咗, 都OK呀!
本來艾灸係想幫佢個腎仔, 依家算係一舉兩得有意外得著啦👏!
同大家分享艾灸對腎病有嘅正面療效, 有需要時不防試吓, 見波波每次做都咁享受會瞓著, 就感覺有好正面嘅影響, 比佢好高評價; 之前每日做兩次想要提升力量, 依家就減為每日做一次, 唔使特別加強!
艾灸對慢性腎病有甚麼療效？
link: http://shunkulin.blogspot.com/2017/02/blog-post.html多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
