 |
| 相片連結 |
琴日都有同兩隻豬仔出去, 呢個天氣其實麻麻哋, 又濕又熱, 但還好有風有陽光照住, 都適合比佢哋呼吸吓外間嘅空氣; 一年裡面無太多好天氣, 太凍太熱唔會諗出去, 呢個天氣已經算OK, 唔敢有嫌棄喇!
琴日有放佢哋落地, 達達腳仔一著地就喪跑, 我真係怕咗佢, 怕佢個心仔頂唔住, 但呢個女好似唔識行, 係要向前衝一鼓作氣; 唯有限時跑一陣就抱起, 好驚樂極生悲!
放波波落地佢唔敢行, 我唔會勉強佢, R哥哥話比佢企都有好處, 總好過坐同瞓唔用對腳仔, 企都有一定程度幫助平恆佢腿肌, 咁我由得佢自由發揮唔敢pushed佢, 不過佢都有行, 但都係跛跛吓, 唉, 耐心D再比多D時間幫佢啦!
今日第 8次見R哥哥做laser therapy, 我都唔知究竟有無幫到佢, 做完當日一定好D, 但波波總係時好時壞, 我有D洩氣!
我感覺天氣變化影響最大, 天清氣朗時, 佢行得唔差, 天氣潮濕就行得麻麻, 呢D無關乎即使我用咗抽濕機, 係佢身體有濕氣, 可能風濕發作就係呢種天氣!
唉老人家喇, 好多問題再努力都好難控制住, 無得唔認輸😟!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
