琴日又帶波波見R哥哥, 已經做咗6次激光治療, 都想知道哥哥嘅comment係點啊; R哥哥話佢覺得唔太理想, 效果無預期咁好, 當然唔可以話無幫助, 物理治療同針灸一樣, 係長線嘅治療, 亦相對個別身體反應, 有狗狗做咗長達 3年有多!
佢話長做一定有幫助, 但都明白我要付出時間同金錢, 比返我做選擇，呢個決定權交比我喎!
呢排有睇資料, 都略有瞭解, 高能量激光治療（HIGH INTENSITY LASER, 係新一代嘅激光治療技術, 能量方面比起低能量激光（COLD LASER）高出 30 至 50 倍, 滲透效果能達皮下 10cm, 可治療深層組織, 經合格持牌動物物理治療師操控, 係可以得到精確嘅治療, 咁我都放心交比R哥哥幫波波嘅!
用激光治療嘅原理係利用激光嘅能量刺激患處, 令該位置血管擴張去改善血液循環, 促進受傷組織生長同復元; 佢亦可以喺組織中產生特定波長嘅「機械波」, 透過刺激游離神經末梢及其他痛覺感受體, 治療中祇感覺暖暖哋, 唔會有痛嘅感覺, 最適合波波呢隻緊張豬仔囉!
高能量激光治療對脊椎痛症、筋腱炎、手關節炎、滑囊炎、腕隧道綜合症、網球肘、膝關節炎、肌肉拉傷、肩膀痛、足底筋膜炎等都適合使用, 波波膝關節移位問題, 令佢就住用力,連累咗相關部位, 如髖關節, 肩膊位等等, 呢個治療就幫到囉; 雖然結構性問題唔做手術矯正都無其他幫助, 但減低周邊病患都好重要啊; 哥哥話波波做咗6次治療後效果未達到佢set嘅目標, 佢當然建議繼續落去, 希望假以時日, 有進步時就可以做嘅次數逐漸減少!
手術我真係唔會選擇, 咁相關嘅治療就盡幫啦, 起碼keep到佢無痛, 做完都行得幾好, 希望情況穩定再幫佢build up返D肌肉去保護個膝頭哥!
天氣好反常, 今日好凍, 咁嘅天氣對年紀大嘅長期病患衝擊好大, 琴日同導盲犬主人傾談, 佢都話咁嘅天氣好麻煩, 都係好反覆腳仔趷吓趷吓😖; 天氣無得控制喇, 盡力幫佢哋過渡呢段時間, 希望天氣回暖會好D啦!
 |
| video |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
