 |
| 相片連結 |
自從買咗部新機, 控制好濕度同淨化空氣, 近來都無聽到波波有咳, 達達亦好少乞嚏 , 果然最重要係環境管理!
其實我一直有做呢方面嘅監控, 房間都一直有放抽濕同空氣淨化機, 不過可能唔係新機無咁大功率, 無比較下無留意!
我原先都無考慮效力是否強勁, 祇係唔想房間放咁多部機, 見到呢部機有好多獨立功能, 就想試試; 初期無留意有咗改變, 原先好多時都聽到波波有D咳, 達達猛乞嚏 ,但近來好似唔為意喎...
今日又帶波波見R哥哥, 呢個物理治療不經不覺已經做咗9次, 都係覺得個仔時好時壞, 不過上星期係好多過壞, 咁即係進步咗? 我真係唔知; 希望會穩定咁一直有改進, 做夠3個月再來個回顧, 波波要叻叻豬!
今日睇網上群組留言, 原來好多狗狗都面對同樣膝關節移位問題, 但一般上咗年紀嘅毛孩, 就算家長想做手術, 獸醫都唔建議, 都係周邊幫助, 祇可惜波波有咁嘅眼仔, 局限咗佢嘅發揮, 好多有用嘅運動想要做佢都無本事!
琴日幫兩隻豬沖涼, 無時間出去, 每次沖完涼佢哋都好攰, 尤其係達達, 唔知點解年紀越大越易激動, 同細個時好唔同😖!
無咗個乾毛機我真係唔識搞佢, 個刁蠻公主依家好暴躁, 掂吓都嘈, 一放落水就狂叫, 好彩浸住微泡浴, 好快就平靜咗唔再郁!
但上水抹身又用盡氣力咁嘈, 幸好放佢入去個乾毛籠內佢無再激動, 無咗呢兩件沖涼孖寶, 我真係怕咗佢, 涼都唔敢同佢沖!
之後想同佢修吓甲就猛力掙扎, 脷又變紫嚇死人我唔敢妄動, 怪唔得有病嘅寶寶特別嬌縱, 根本唔敢同佢硬碰😓!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
