今日又帶波波見R哥哥, 再講及波波呢兩日出現嘅問題, 話佢pat pat 黐住個地下團團轉, 會低聲呻吟仲會叫, 好唔妥!
哥哥仔細檢查, 見佢將波波手腳搖來搖去係咁摸, 今次個仔超唔合作, 不但無笑笑口仲發惡啊!
哥哥話今次好明顯發覺波波關節移位滑出咗後, 無即時自動歸位, 其實呢個係結構性問題, 去到呢個狀況正路係需要做手術定位, 不過當然要考慮各種因素, 年紀大細同健康問題!
今次波波出現坐住地下轉轉轉, 估計係佢膝關節移位後未能即時復位, 自己又企唔到, 又驚又痛所以叫咗出嚟!
係咁應該同click中順勢療劑無直接關係, 當然止痛同鎮靜都有幫助, 但主要應該係咁啱嗰個時候佢關節剛歸位, 所以放鬆落嚟!
開創性治療我一定唔制, 根本唔敢再去博麻醉, 除咗考慮佢年紀同氣管問題, 仲要顧及佢個腎仔!
咁祗可以喺周邊幫忙, 因為膝蓋骨磨來磨去, 會做成關節炎會痛會腫, 知道情況後我可以用關節消炎嘅順勢療劑啦; 做laser亦有助舒緩關節消炎止痛, 肌肉放鬆; 再者就要鍛鍊強化肌肉, 但哥哥話其實在波波嚟講有一定難度, 佢喺自己屋企浴缸浸水都唔敢郁, 因為波波睇唔到, 用唔到相關配套; 例如最淺易嘅跨低欄運動波波做唔到, 慢速跑步機對佢都無用, 要波波踏上一個會郁嘅地下感覺有幾恐怖...
幫呢個皇帝仔, 祇可以好被動, 打骨針肝腎有問題嘅唔適合, 只可以考慮做laser, 艾灸, 紅外線, 按摩, 無針針灸....凡此種種, 希望保住佢唔好有關節炎, 再百上加斤更加痛!
哥哥今日有教我如果波波關節滑出點幫佢歸位, 希望我做得到啦, 但我有D驚啊😱...
不過驚都要頂硬上啦, 為咗個仔😓!!!!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
