兩隻豬仔嘅脷仔顏色都唔好, 波波病後明顯身體潺弱, 脷仔白白都唔知身體要點調養; 兩隻豬又虛不受補, 想用少少溫補嘅中藥材都唔受到, 諗來諗去想起滴雞精, 即管試吓做; 無任何附加材料應該唔會太補啦, 每日飮少少, 飲咗一星期效果幾好, 兩隻豬脷仔顏色都有進步!
都唔敢再繼續, 要停吓再做, 要觀察吓佢哋接受程度!
其實都有考慮怕蛋白質太高, 對波波唔好, 但見佢病後真係體力唔多好; 達達亦已高齡, 飲少量進補應該係好, 就決定去做!
兩隻豬唔止食用比我好, 要咁花心思為自己我真係懶做, 但為咗兩個寶貝嘅衣食住行, 樣樣都盡心盡力照顧週到!
唔好同我講點解狗嘅待遇比人高, 愛無分人狗, 有愛支持就會去做😜!
為波波訂購嘅3D床墊今日收到喇, 足夠替換真係好, 我同隻豬仔以後都無咁辛苦👍!
 |
| 打開門要攔住, 睇唔到怕佢碌咗出去 |
 |
| 3D床墊好用 |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
