今日介紹兩隻產品, 兩隻都係為波波需要而買, 一隻覺得超好用, 誠意推介(無佣分無利益㗎😜, 一隻未開始用今日先買!)
先講用緊嘅呢隻酵素噴霧, 對我幫助極大, 其實幾年前我有用過相關產品, 後來香港無得買, 當時需求唔大忘記咗喇!
因為波波後腳行唔到, 除非我每次及時帶佢去尿尿, 逗住佢後腳就無問題, 但無可能一日24小時都監察到啦, 尤其係夜間, 大家都要瞓覺!
個仔唔要包尿片, 佢皮膚特敏感焗住又係煩, 除非佢要上我床, 咁我會包短時間, 如果尿濕我床舖被枕真係好慘; 正常我會墊尿片喺佢身下, 放上睡墊太空棉上都無好大麻煩, 呢個仔超愛乾淨, 一尿咗就會大嗌, 即幫佢換咗條尿片就OK喇！
問題最大係晚間, 唔知點解近來半夜尿濕佢都唔嗌, 以前半夜我會起身兩次帶佢去尿尿, 但朋友話晚晚拍醒佢影響佢睡眠質量, 長期係咁自己同佢都唔好啦, 所以我無再半夜起身同佢尿尿喇, 真係太攰要堅持好難!
目前做法都係墊尿片在身下, 但每朝早起身佢肚仔大脾實濕晒, 無可能每日沖涼咁點辦? 就全靠呢隻酵素噴霧救我喇!
我只需要定點噴濕要清洗嘅地方, 略為搓揉再用濕毛巾抹返, 所有異味無晒, 其實呢隻產品係唔需要過水, 所以用濕毛巾抹吓就OK喇; 之前波波肚痾, 無咗佢真係唔知點辦, 用清水無可能去除異味, 用shampoo怕過唔清引起皮膚敏感仲慘, 要局部清洗得一隻手做嘢又好難, 還好有呢枝產品就掂晒!
當佢身體唔舒服時唔適合沖涼, 如果痾多過一次要次次沖涼無可能嘛!
仲有最好係清潔完用風筒吹乾後, 發覺啲毛毛又鬆又爽, 真係好物推介, 尤其有年老毛孩, 幫助好大; 不過香港已經無得買, 我要請網購台灣代買！
＊＊重點描述＊＊
★有機店藥房熱銷推薦產品
★2011年世貿有機展明星商品
★抗菌、除臭、清潔可一次完成
★純天然成份寵物舔食無礙
★可迅速分解寵物身上臭味分子
★天然檜木菁華芬多精可抑制壞菌生長
★天然益菌群可分解臭味
★SGS認證不含202項化學農藥毒物。
＊＊商品說明＊＊
嚴選大自然優良活菌，經噴霧可抑制霉菌與害菌的生長，並迅速分解氨、硝化物、硫化物等寵物所產生的臭味分子，有效去除寵物身上及殘留在室內、地毯及地板上的臭味痕跡，達到除臭的效果。直接噴灑在寵物身體除可有效消除異味，輕揉按摩後更具有天然驅蚤之功效。天然台灣檜木精華成分，森林芬多精可使寵物身心舒坦並抑制壞菌生長。「抗菌」、「除臭」、「清潔」一次完成。適用於寵物身上、便器、寵物屋、地板毛毯或異味處。
另一隻要講嘅產品都係針對相關問題, 用尿片會濕身好難搞, 曾經想過剪細張vetbed放入氧氣箱, 但毛茸茸怕個仔熱嘛, 始終個箱都較密封, 冬天或者可以試吓!
今日見到介紹呢隻環保尿片話索水快, 面料乾爽吸引力太大, 心急嘅我即刻就買, 未知效果如何, 希望幫到波波, 唔想錯過每一個機會, 幫到就要快😄!
尿墊官方介紹:
*尿墊吸水力強，一痾即吸，唔會太濕到腳仔，配合尿板使用效果更佳
*剛尿尿表面都會濕，吸尿後會慢慢變乾
*將尿墊垂直用花洒沖走尿尿， 再用清潔劑或鹼液搓洗， 最後再用花洒沖洗就完成，擰乾後晾曬就可以。 亦可放入洗衣機清洗。
*只要防水層沒受破壞，一直可重複使用多次。
*採用4層物料（頂層係透氣爽膚網布層、第二層係吸水棉層、第三層係PU防水層、第四層係防滑膠粒層）
*清洗後一般室內晾曬需一天變乾、室外晾曬半日變乾
https://www.facebook.com/smartpetpethk/videos/288238445876185/
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
