真係多謝老友記Mi有好嘢無忘記我3隻豬, 見到咁正嘅氈買比自己狗狗之餘, 仲幫我買咗一張比我D豬仔!
佢應該諗住比我用嚟鋪上圍欄床, 3隻豬就可以一齊享用, 無奈對孖寶對住太耐會打交, 唔可以近距離放埋一齊, 係唔可以困埋一齊無得走位!
3隻豬當中, 豆b最怕凍, 呢張氈就決定比佢用!
當我收到呢張氈, 一摸上手已經覺得好軟熟, 攤開見到一個個毛毛脚印仔, 好鍾意個design!
隻豬豆就最管家啦, 一定第一時間八, 爬上去猛抓猛抓, 真係比佢氣壞 :)
都已經決定比佢先用啦, 等我洗乾淨先嘛!
張氈又輕又軟又暖, 又難怪佢咁鍾意啦, 唔好意思都要請Mi幫忙, 再買兩張比波波同達達!
仍然每日都放波波達達一齊上床瞓覺, 等佢哋享用遠紅外線治療氈啦, 豆b就絕無可能一齊, 短時間仲可以將就, 長時間就真係唔使諗喇, 要等兩隻豬出咗廳玩, 我先可以放佢上床瞓一陣間, 狗咬狗骨咁真係麻煩!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
