 |
| 相片連結 |
之前提過訂購咗嘅遠紅外線治療毯今日收到貨喇, 梗係第一時間比3隻豬享用啦, 如果只係比佢哋瞓喺毯上, 我乜都唔使做, 咁簡單方便就有治療效果, 咁就太幸福喇!
3隻豬每次要見醫生大都係因為痛症, 希望用咗呢張毯, 可以減少佢哋痛痛嘅次數啦!
雖然已經立冬, 但完全無涼咗嘅感覺, 唔開冷氣一樣熱到出汗; 可能天氣太熱, 雖然我有開住冷氣, 但放D豬仔喺毯上, 佢哋都搵地方亂爬, 又爬上我張冷氣被又爬上枕頭避開啊 :')
最後要搵塊薄布蓋住張毯, 咁先OK啦!
如果天氣凍D, 用呢張毯一定舒服到暈喇!
今日喺FB post咗幾張相出嚟, 朋友都好感興趣, 咁我再將個效用同大家分享一次啦; 但真正效果當然未知, 一來今日先開始用, 二來D豬仔亦唔識表達, 要知道有無效用, 最直接就係佢哋少咗痛痛, 咁就要觀察耐D喇!
**治療毯**
毯的織物是由陶瓷納米粒子製成
織物發射遠紅外線保持肌肉，關節，肌腱，韌帶柔軟和放鬆
毯幫助協調身體功能, 安全和自然地刺激康復時間，促進血液循環，增加氧氣流量，並最終減輕疼痛和僵硬
可它單獨使用或睡在毯上。
尺寸：59“×47”
顏色：藍 (Royal Blue)
美國製造
優點
>循環和緩解疼痛
>增加氧氣
>減少炎症
特點
> 吸濕排汗 (透氣)
> 100％聚酯纖維
> 可以機洗
前日落咗一場雨, 以為琴日天氣都會差, 3隻豬又要被困屋中喇; 點知琴日不但無雨仲好好陽光, 咁就同老公帶3隻豬出動, 等佢哋可以出去行吓!
天氣仍然係好熱, 3隻豬比太陽伯伯照到脷仔都伸長晒, 還好偶然都有D涼風, 3隻豬仔都算係可以走動走動 :)
可能真係熱, 行咗一陣佢哋好自覺圍埋一齊, 要上番架私家車喇:)
琴算做過運動, 今日收到治療毯, 剛好配合到比佢哋放鬆肌肉, 舒緩疲勞!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
