 |
| 3隻豬中波波最少伸脷, 所以話佢最cool! |
咁耐以來都真係無好明顯、好肯地嘅感覺; 有時感覺良好, 又唔知係咪自己心理作用, 羊群效應, 人家講到好好, 就好似有用咁囉!
不過近來都有一樣嘢可以比到100%肯定答案, 就係舒緩小腿抽筋嘅順勢藥, 如果有試過小腿抽筋嘅人, 就知嗰種痛真係攞命!
每次小腿抽筋, 當我一放呢隻藥入口, 好似都未吞, 嗰種疼痛就會即時走頭; 唯一呢隻順勢療劑我可以誇下海口, 對我有百份百幫助!
即係都要有明顯徵狀, 咁就較容易有感受, 或者我後知後覺一舊雲咁 ;p
我3隻豬咁多年來, 真係食咗好多不同品牌嘅補充品, 叫我講邊一種對佢哋身體有明顯幫助, 我真係比唔到答案!
正常狀況下真係好難明顯分辨到, 補充前後嘅分別, 都係要有問題出咗, 先有定案!
例如多年前波波用滴頸藥引致肝酵素升高, 停用後自然回落, 就比到我答案, 佢係對呢隻產品有負面回報; 然後咁多年來觀察, 驗血會確定到佢對某類西藥有負面反應, 即係出咗亂子, 咁先證實到!
另外就係自身有明顯徵狀, 例如達達嘅甩毛, 就可以睇到食過嘅supplement有無幫到, 邊種幫助可能機會最高; 不過通常我同一時間用好多方法去做, 確切嘅答案都係比唔到,更何況達達呢個情況又好特殊, 之前似乎係捉到路, 再做效果又可以無:(
近期叫我講睇到明顯效果嘅, 我會肯定豆b用嘅順勢療劑healthy heart, 因為效果直接反映咗落佢嘅毛髮, 再引証埋改善到佢嘅鼻鼾, 之前佢D聲真係超大(依家熟睡後唔係全無, 但係在可接受程度), 而且近排亦好少見佢將條脷伸長晒!
不過美中仍有不足, 佢都仲係成日懶洋洋瞓覺!
 |
| 豆b係少咗伸長脷"笑"喇! |
最近開始留意, 係咪呼吸麻麻嘅狗狗先會伸長條脷, 當然我係指喺靜止狀態下, 唔係天氣炎熱又狂跑啦!
呢個video就係豆b以前喺正常環境下, 伸脷兼好大聲呼吸啦!
突然記起好耐之前朋友提過有所謂吐舌幫, 狗狗係時常會將脷仔跌下, 佢話咁係反映咗健康有問題㗎; 當時無在意, 聽完忘記咗喇!
當然我都相信狗狗會用伸脷去表達情緒開心, 但整個面相都會寛容, 同唔正常嘅伸長脷係有差別啦!
 |
| 主觀感覺波波達達嘅伸脷有唔同! |
近排發覺達達好似多咗伸脷, 但又唔覺有笑意, 莫非佢心仔泵血都差? 咁佢之前嘅抽筋同心臟有無關?
達達一向脷仔嘅顏色都麻麻, 比豆b更差, 我都要多加留心吓, 睇吓有無需要都比佢順勢心臟療劑嘅formula 1, 食一段短時間!
 |
| 唔覺達達似笑, 但脷仔就伸出, 要多加留意喇! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
