 |
| 相片連結 |
呢幾日特別忙, 正常打理家務尚算可以應付, 如果花咗時間出外, 咁就好似樣樣都要趕住, 忙到命都無!
星期一同3隻豬出去走走, 返到屋企當然有善後工作要做, 抹手抹脚抹身, 仲要地氈式搜索, 將全身毛毛大搜尋, 怕咗D奪命牛蜱會喺佢哋嘅毛髮藏身!
當我好忙好攰, 就寧願唔帶佢哋出去, 事關呢個工序唔可以免去, 一定要做足呢個檢查清潔程序, 我唔想一個疏忽害死佢!
星期二又要出去, 要幫3隻豬配甲狀腺藥, 匆匆忙忙來來去去, 都係為咗達達豬, 要整食物比佢, 同佢慶祝佢嘅正式生日; 為咗慳時間, 今次整咗最方便嘅紅菜頭雞肉羊奶凍, 雖然簡單, 但3隻豬超鍾意, 好快食晒 :)
 |
| make a wish ...可以刁蠻, 可以惡死, 可以曳曳, 但要身體健康啊! |
立冬後都仲要開冷氣, 會唔會若干年後香港再無冬天?
終於今日稍覺有D涼意, 最煩兩個女已經打晒乞嚏, 波波氣管敏感又好似開始, 都係著番件衫仔穩陣D！天氣轉變一開始, 一時間要3隻豬適應唔容易, 希望小心D可以保住, 順利過渡唔使見獸醫!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
