波波呢兩日行動明顯好轉, 好似無事咁喇, 不過Dr Fan話波波左腰係有痛嘅, 叫我特別留意幫佢舒緩嗰個位置啦; 平日我都無偷懶, 咁情況下當然做多D, 除咗照iwand之餘, 每日都照埋紅外線喇!
睇醫生嘅時候帶咗7月波波嘅驗血報告, 比醫生做個參考, Dr Fan睇完個報告, 話全部都好好, 超靚啦!
雖然拎報告嘅時候Dr Hsiang都有解釋過, 話我照顧得唔錯喇; 其實養咗狗狗咁多年, 驗血報告都識個大概, 都知波波算係幾好, 不過當見到佢有唔舒服, 又會驚有問題出咗嘛!
比Dr Fan讚一讚呢個年紀keep得咁好, 係超正, 當堂開心到無命, 醫生輕輕帶過嘅一個comment, 就醫好埋我嘅驚恐病 :)
講返豆b近日嘅情況, 食咗心臟順勢療劑後, 得到預期嘅效果, 除咗毛髮靚返, 仲發現咗另一得著; 都有可能近期我配合埋氣管下塌藥, 所以效果更超彰啦!
呢個不經意嘅發現, 令我對順勢療法信心更大喇!
 |
| 明顯毛髮係靚返 |
從來豆b瞓覺都會扯鼻鼾, 佢唔係輕微嗰種, 係發出好大聲, 當然咁大嘅鼻鼾聲唔係好事, 係佢嘅氣道過窄所影響; 我一直都擔心佢氣管收窄問題, 好怕佢會呼吸困難, 會因呢個狀況致命!
但最近真係唔覺有聽到呢D聲, 咁我特別多加留意佢呢樣, 無論日間, 晚上都真係改進好大, 順勢療法對佢好work :)
狗仔扯鼻鼾主人需警惕
http://tech.sina.com.cn/d/2010-09-25/10014688858.shtml
http://www.52gougouwang.com/cjwt/article_4711.html3隻豬當中, 順勢療法對豆b最work, 雖然係孖胎, 波波就有差距喇, 達達都仲接受得比佢更好!
達達近排就平穩過渡, no news is good news 啦!
無論點都好, 我已經好感恩有多一個另類選擇, 順勢療法真係比我幫助好大, 又要多謝當日Mi不厭其煩, 鼓勵我嘗試啦!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
