 |
| 相片連結 |
前晚半夜2點幾, 比波波好似豬叫嘅聲音嘈醒咗, 望過去佢床仔, 見佢坐直個身仰起頭, 條氣好唔妥啊; 即刻抱佢上我床, 比佢順勢療劑作舒緩, 然後拎條真絲頸巾圍住條頸仔, 保護氣管; 好快... 佢停咗豬叫聲, 可以舒服咁瞓返!
都知道天氣轉變佢哋會有麻煩, 兩個女我都同佢哋著咗件薄衫, 波波好抗拒束縛, 我就由得佢啦, 點知就衰咗喇!
用真絲頸巾較輕較軟, 佢OK啦, 唔會唔肯行!
琴日朝早起身都仲係麻麻, 我開咗蒸氣等佢舒服D, 再用埋neutralizer比佢聞氣, 當然繼續用順勢療法; 到今日佢已經好得七七八八喇, 無再聽到呼吸唔暢順嘅聲, 當然我會keep住個療程, 用多幾日啦!
有咗順勢療劑對我幫助真係好大, 我可以幫佢哋舒緩病況喺第一時間, 當然要睇住毛孩嘅情況, 無好轉就要見醫生喇!
空氣清新對我3隻豬好重要, 佢哋氣管都差, 醫生都建議一定要空氣凈化; 我喺廳已經放咗一部大空氣凈化機, 房就放岩鹽燈, 仲放一部細機啦; 近日得悉有一個韓國品牌嘅等離子機, 用家feedback話幾好呀, 咁我即買換咗部細機啦!
呢部機2014年開始引入香港, 採用plasmachaser科技, 殺滅细菌, 抑制敏感, 除臭, 更有保濕滋潤功效, 亦已開始在獸醫診所推介.
希望用咗呢部小巧嘅等離子機, 對空氣質素可以幫助更大!
天氣好差, 今日落咗一場好大嘅雨啊, 希望聽日天氣轉好啦, 依家一星期只可以抽一日出去行吓!
不過都要監察住波波嘅情況是否適合出外啦, 我諗佢都有矛盾㗎, 好明顯對外出佢感覺係興奮開心, 但出到外面佢又神經過敏, 見佢出到街外東張西望好緊張咁, 我就會質疑自己嘅用心有落差!
但每次我自己出街, 又會見佢用極渴望嘅眼神望住我, 攪到我好不忍啊 :(
還好有3隻豬作伴, 雖然會打吓交, 互相兇吓, 但吵吵鬧鬧都有D互動啦, 勝過整日瞓覺!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
