 |
| 相片連結 |
天氣時冷時熱真係唔掂, 對豆b係一個好大挑戰, 我已經極度小心控制住室溫, 但仍比豆b嚇到我失魂!
呢兩朝早晨起身, 佢又打乞嚏"fing"到個頭都要甩咁, 好驚佢觸動到條頸仔, 陣間又頸痛我就頭痕; 佢嘅舊患我已經擔心, 點知仲要百上加斤!
今日見佢不停乞嚏, 打到脷都發黑, 又攪到我有得震時無得瞓!
已經早晚幫佢哋加衣, 中午時間先比佢哋鬆一陣, 一整日著住衫唔係恰當嘅做法, 會擾亂佢哋自我調節體溫; 無奈呢幾隻潺豬, 對天氣轉變極其敏感, 兩個女都有D鼻水, 波波嘅氣管又有D唔正常聲音; 唉, 呢3隻豬總係不停要人擔心!
都係第一時間借助順勢療劑, 希望唔使見醫生啦!
要開始加D vit. C比佢哋強化呼吸道嘅功能喇!
今日為佢哋整咗甜品, 係南瓜羊奶昔, 之前上網搜尋, 羊奶對狗狗極為有益, 有特別功能!
咁當然我唔會當為主要食糧每日補給, 只係當為額外甜品, 間中飲吓等佢哋開心開心, 事關佢哋真係好鍾意飲:)
下面嘅連結好清楚講到羊奶對狗狗嘅好處, 不過大家唔好盲目去補給, 唔同年紀, 唔同身體狀況, 點去調較都係要靠主人!
Goat Milk For Dogs
http://www.dogsnaturallymagazine.com/goat-milk-for-dogs/
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
