琴晚波波同豆b玩得好開心, 跑來跑去, 正慶幸除咗成日嗌交不和, 仍可以有開心一齊嬉氣嘅日子!
點知今早食完早餐, 無幾耐就見波波搖搖擺擺, 縮起前手成身震晒, 呼吸急促眼又瞪大, 我即時意會佢又痛喇!
對付呢種嚟得咁急嘅劇痛, 順勢療法對佢無效, 還好上次帶波波見醫生, 配有備用藥, 即刻拎出嚟應急啦; 因為有準備藥物, 我較為安心, 抱起波波安撫吓, 話佢知媽媽有藥可以幫到, 好快無事喇!
波波應該感應到我無驚惶失措啦, 都無咁震喇, 餵咗藥後5分鐘左右感覺佢放鬆番; 遵從Dr Fan意見無比副作用大嘅止痛藥, 過咗一個鐘後止痛用順勢療法!
係樂極生悲? 琴晚玩得太激整親? 還是係天氣轉變導致病發?
其實我已經警覺天氣轉變有可能呢種痛症會變差, 呢段日子幾忙都唔敢鬆懈, 已經勤力照iwand喇!
可惜都係避唔到, 波波都係難逃痛痛啦 :(
即使我好怕見獸醫, 對獸醫信心唔大, 但仍有幾位獸醫我可以信頼!
為咗唔會突發情況變壞, 到時真係要亂撞無得揀, 所以即使係有藥, 都仍要帶波波去比醫生check吓, 希望唔會小事化大!
Booking最快都要星期二呀, 真係緊急時都唔知點算好啦, 幸好有備用藥看門口咋!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
