有氣無埞唞

風平浪靜嘅日子總係難求, 平靜嘅日子總係難長久, 唔知係巧合但好無奈,  我嘅寶貝豬明明無事, 都要喺大時大節搵D事, 嚇到你有氣無埞唞 :'(

肖像畫 (w/album)

相片連結

請人為8寶畫咗肖像畫, 等咗差不多有4個月!
喺boxing day終於收到喇, 拎到返屋企, 開始仔細研究, 有好多細節要修修; 我一向都要求高, 做得到嘅我一定做到好!

2015快樂聖誕!

相片連結

忙忙碌碌又跑到2015年嘅尾聲喇, 琴日接到agent通知, 話工人姐姐已經批咗, 但碰啱假期太多, 都要等多半個月, 無所謂啦, 我已經習慣!
講真聽到呢個消息, 我反而開始感覺有D壓力, 實在比D姐姐嚇怕咗, 有D擔心囉!
不過, 唔應該有負面諗法, 要向好處去想....希望新姐姐會係幫到我 :)

Blitz, Rest in Peace!

Blitz, Rest in Peace!

剛收到消息,  姐姐嘅松松因為心臟病突發, 走咗喇, 享年3歲半, 好細個咋 :'(
諗起姐姐之前要移民, 仲問過我點攪手續帶狗狗走, 諗住可以不離不棄陪住狗狗到老, 點知一齊移居咗外哋, 到頭來都只係相伴咗咁短時間, 好痛心!

保暖用品 - 速暖背心 (w/album)

相片連結

天氣越嚟越凍,  唔敢帶3隻隻豬出街, 留佢哋自己喺屋企玩!
雖然對孖B時有爭執會打吓交, 但又會一齊玩, 我依家已經習慣;  見佢哋互相兇對方時我會觀察, 盡量唔介入, 咁反而是旦一方會撇頭躲避, 仲無咁煩; 當然見勢色唔對, 就會將佢哋分隔, 唔想又整傷眼仔呢類意外, 再添上麻煩!
所以佢哋自己玩, 我一樣唔得閒, 要睇實晒!

無改變嘅願望 (w/album, video)

相片連結

早兩日係我嘅生日, 當然要同三隻寶貝豬仔合照啦, 祝願大家都身體健康!
希望同3隻豬一齊, 再過好多個, 好多個生日, 呢個係我一直無改變嘅生日願望,  所以呢....大家都要健健康康啊 :) 

一不離二, 二不離三 (w/album)

相片連結

一不離二, 二不離三, 繼波波豆b出事後, 今日到達達喇 :(
真係比我放鬆吓都咁難, 眼見波波豆b情況可以控制, 以為可以瞓番個好覺, 點知就輪到達達出麻煩!

呢兩日達豬都有打乞嚏, 但唔係好密, 天氣轉變呢種係常見嘅事, 我預咗啦; 點知今晚突然惡化, 乞嚏係咁狂打, 仲眼仔都睜唔大, 我都唔知佢幾時整親㗎?

出手相助

豆b氣管情況算控制住喇, 仍然繼續聞氣加順勢療劑, 希望一路好轉啦, 呢隻豬要密密監察, 有唔妥就要見醫生啦; 今日得悉狗友嘅松松肺炎入咗院, 天氣轉變令松松氣管心肺等變差, 真係好怕天氣變化!

渡過難關 (w/album)

相片連結

天氣轉變就麻煩, 3隻豬都出現症狀, 波波前兩日又成日匿埋入房, 我今次醒目喇; 上次攪到又要見Dr. Fan, 都怪自己大意啦, 上次佢又係咁匿喺房, 我當佢情緒病咋, 以為比佢空間, 休息吓就無事啦, 點知原來又係肌肉關節痛痛咁慘!