 |
| Blitz, Rest in Peace! |
諗起姐姐之前要移民, 仲問過我點攪手續帶狗狗走, 諗住可以不離不棄陪住狗狗到老, 點知一齊移居咗外哋, 到頭來都只係相伴咗咁短時間, 好痛心!
早前姐姐回港, 有提及狗狗心臟有雜音, 但未係嚴重未需要服藥, 西醫嘛當然都係叫monitor住啦!
我有同佢提及順勢療法, 比咗條link叫佢研究吓, 唔想只係觀察乜都唔做, 眼白白等病情變差, 西醫一般都係見症狀到差就用藥控制, 未去到嗰個位, 就叫觀察.....
姐姐離港返屋企只十日時間, 當然未將家中一切安頓番, 又碰啱佢話我比嘅link開唔到, 就放低咗喇!
早兩日仲開開心心send相話佢老公同個女合作幫狗狗剪咗毛毛, 好可愛啊!
 |
| 此情不再, 好傷心！ |
如果....佢早知有今日, 佢一定唔會躭擱, 是以, 佢又傷心, 內疚又自責!
如果, 佢無移民, 狗狗仍在港, 咁會唔會有唔同命運? 起碼我會加多兩錢肉緊, 叫佢用順勢藥保住個心!事到如今, 天意弄人, 希望小小Blitz開開心心奔向彩虹橋, 唔好帶有遺憾; 但願姐姐收拾起自責嘅心, 對另一隻狗狗多加安撫, 今次吸取到教訓, 對狗狗任何輕微嘅徵狀唔會掉以輕心!
 |
| 我仲記得佢哋跑來跑去嘅樣啊 :'( |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
