 |
| 相片連結 |
一不離二, 二不離三, 繼波波豆b出事後, 今日到達達喇 :(
真係比我放鬆吓都咁難, 眼見波波豆b情況可以控制, 以為可以瞓番個好覺, 點知就輪到達達出麻煩!
呢兩日達豬都有打乞嚏, 但唔係好密, 天氣轉變呢種係常見嘅事, 我預咗啦; 點知今晚突然惡化, 乞嚏係咁狂打, 仲眼仔都睜唔大, 我都唔知佢幾時整親㗎?
即刻用順勢療法, 試咗不同嘅療劑, 我唔知源頭係乜, 除咗食同鼻有關嘅藥, 當然仲有食eye repair啦, 但嚴重嘅乞嚏唔係咁易終止, 眼仔都未睜得大, 我再幫佢滴埋眼藥水喇!
一有唔妥當然check體溫, 檢視牙肉, 好彩係正常, 加上食慾無改變, 大小便亦正常, 我就繼續用順勢療劑試吓!
嚴重乞嚏呢個情況以前都有過喇, 帶佢去睇醫生都係講兩句, 或者比D敏感藥, 我就唔係咁想啦!
今晚觀察住情況, 比佢休息啦吓, 睇睇聽日有無好轉再作打算啦!
呢種天氣變化小狗狗真係好難招架, 身邊幾個狗友嘅狗狗都出事, 輕嘅就皮膚有事, 係就係麻煩, 但相比起其他總算小事啦, 重嘅就肺炎要入院, 呢D就擔心死喇, 仲有就係神經線嘅問題, 痛到震晒, 都係慘慘!
我呢3隻豬, 就各有各精彩, 攪到我頭都大, 一日前都仲正正常常識跑識玩, 突然就謝晒 :(
但願休息一晚達達有好轉啦, 只要唔好大大劑嘅驚嚇, 我接受晒; 朋友B講得啱, 仍有機會為佢哋擔心牽掛, 總好過無啊!
今日都有件窩心嘅事安慰吓, 阿女話已經book咗我生日正日會同我出去食生日飯, 但今晚仍預早為我親手煮一餐, 由買料, 又醃又煮一手包辦, 呢份心意我收到晒!
總算有件開心事中和吓我為豬仔擔心啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
