風平浪靜嘅日子總係難求, 平靜嘅日子總係難長久, 唔知係巧合但好無奈, 我嘅寶貝豬明明無事, 都要喺大時大節搵D事, 嚇到你有氣無埞唞 :'(
2015年除夕, 達達豬撞親個鼻, 我係無親眼目擊; 達達當時係在我背後, 但我有聽到仆一聲!
跟住就聽到老公叫, 話死喇達達撞親, 我即刻轉身問撞到邊? 頭定脚?
老公話係頭, 咁我就好驚, 諗起波波細個撞親頭要入院, 又話腦震盪嘛!
即刻抱起達達檢查傷勢, 見佢鼻仔有血, 其實一見血我仲心慌, 但都強作震定, 即刻同佢按住鼻旁, 一路叫自己冷靜唔好咁狼忙!
好快手咁拎出herbal cream加落紗布再按, 希望係皮外傷!
抱咗一陣見無咗血, 就放低佢再觀望, 要睇吓佢行路點樣, 仲有無其他嘅損傷; 還好佢尚算表現正常, 不過當我望到圍欄內嘅尿片, 真係好驚, 有噴血嘅pattern啊!
見達達精神無異常, 我選擇留喺屋企觀望, 心諗咁情況帶佢去獸醫院, 一定要照X光, 然後左驗右驗將佢攪個反來覆去, 我唔想佢傷上加傷!
即刻衝入房搵順勢藥, 用咗兩種療劑, injury & infection, 指引講到被車撞嘅出血, 都可以幫!
拿拿聲餵藥, 用緊急密集份量!
無見到達達再有出血情況喇, 希望今次係小損傷, 還好有順勢療劑幫我忙, 令我無咁失措驚惶, 抱住佢向動物醫院亂衝亂撞; 換轉以往, 我一定唔識暸解吓真實情況, 個人實混亂到可能會判斷錯誤, 越幫越忙!
當然要小心觀察住佢有無異常狀況, 有乜轉變都係要搵獸醫嚟幫啦!
2015年嘅最後一日都要嚇到我震騰騰, 祈望2016年快D來臨!
願新嘅一年, 好運來, 壞運走; 疾病去, 健康留; 祝願大家健康如意, 我嘅好朋友, 友誼長長久久!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
