 |
| 相片連結 |
喺boxing day終於收到喇, 拎到返屋企, 開始仔細研究, 有好多細節要修修; 我一向都要求高, 做得到嘅我一定做到好!
8隻寶貝都有唔同嘅問題要做, 一D係主人先留意到嘅小問題, 如果唔係自己嘅狗狗, 可能未必留意到!
但係自己嘅寶貝, 就一眼分辨到, 我當然無可能視若無睹, 唔修正我自己嗰關都過唔到, 所以一整日就描描畫畫, 忙個不亦樂乎!
當我一收到呢8張肖像, 感覺描繪得毛髮層次好靚, 但就欠缺咗生動, 無咗靈魂, 唯有自己加功小執啦!
修改完感覺較好, 可能呢D純係個人感受, 不過我呢D要求咁高嘅人, 其實自己都知係好麻煩, 哈哈哈~
放咗原稿落相部, 大家有無睇得出有過嘅改動呀 ? ;)
要同大家分享, 幫3隻豬做咗幾個cushion, 做得好靚 :)
今年3隻豬都收到聖誕禮物, 不過呢3隻豬無福消受喇, 事關D食物太硬, 佢哋嘅牙仔搖吓搖吓, 點咬吖 :')
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
