 |
| 相片連結 |
天氣轉變就麻煩, 3隻豬都出現症狀, 波波前兩日又成日匿埋入房, 我今次醒目喇; 上次攪到又要見Dr. Fan, 都怪自己大意啦, 上次佢又係咁匿喺房, 我當佢情緒病咋, 以為比佢空間, 休息吓就無事啦, 點知原來又係肌肉關節痛痛咁慘!
今次我見勢色唔對, 即刻用順勢療法, 但唔知佢真正狀況, 唔知用邊隻療劑先啱, 唯有慢慢試啦; 可能我用嘅療劑撞啱, 又可能依家日日瞓住遠紅外線氈有效, 又可能今次我醒覺得快, 更可能......
無限嘅可能唔理喇, 總知幫到就王道啦; 食咗兩次療劑, 波波好似無事咁, 攪到我有D疑惑, 究竟係我過份"醒目", 佢根本無事, 還是係我幫佢用到正確方法?
一向氣管最強壯嘅達達, 瞓著後呼吸都發出D怪聲, 日間見佢有打乞嚏, 佢可能有鼻塞喇 :(
至於豆b, 呢個係大麻煩, 我以為佢食咗healthy heart就好晒, 見佢近來呼吸暢順, 連鼻鼾都無埋, 我開心晒!
點知今日又見佢呼吸"kat kat"聲, 我立刻張開佢口檢視牙肉脷仔, 還好無瘀黑, 但就略見蒼白, 都係弊喇!
 |
| 條脷仔無晒血色喇, 真得人怕! |
即刻每10分鐘餵一次順勢療劑, 再配合霧化器, 還好幫到佢精神返, 脷仔顏色好咗D喇!
 |
| 聞完氣食咗4次療劑, 好好多喇! |
3隻豬齊齊聞氣, 用生理鹽水霧化, 等佢哋呼吸道嘅黏液稀釋返, 到咗夜晚瞓覺尚算平靜, 希望唔好再有麻煩, 聽日再繼續療程, 幫3隻豬渡過轉天氣呢個難關!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
