 |
| 相片連結 |
早兩日係我嘅生日, 當然要同三隻寶貝豬仔合照啦, 祝願大家都身體健康!
希望同3隻豬一齊, 再過好多個, 好多個生日, 呢個係我一直無改變嘅生日願望, 所以呢....大家都要健健康康啊 :)
晚上同老公阿女出去食生日飯, 多謝阿女為我安排, 呢個生日又親自煮又帶我出去食晚餐, 好乖 :)
今次食上海菜, 阿女話呢間網上多人讚, 咁就試試啦; 果然名符其實, 決定冬節都嚟呢間, 唔使煩!
天氣越嚟越凍喇, 最怕天氣轉變呢關, 對3隻豬嘅氣管同關節都係大挑戰嘛!
一於拎住張遠紅外線氈緊貼住3隻豬, 佢哋出廳上床都跟到貼, 希望保住佢哋唔好痛痛啦; 放出廳嘅好處係豆b都可以享用, 上床就實同波波打交, 呢兩隻豬成日都爭寵好鬼煩, 費事豆b激動又病發啊!
達達豬雖然眼仔就好番, 但都仲有打乞嚏, 祇係無之前咁密咁慘, 條片就見到隻公主好似無晒事有胃口開餐, 暫時可以唞啖氣喇; 都好怕冷親對孖b, 好彩張暖氈總算來得及時, 總算3隻豬都齊備晒 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
