 |
| 相片連結 |
呢幾日好攰, 可能天氣潮濕影響, 又可能3隻豬都有事, 照顧佢哋都幾索氣; 一直瞓咗落床都唔易瞓著嘅我, 呢排一噠落床瞓到變死豬 :)
先講吓波b, 呢幾日嚴格困籠休息少活動, 加上及時有藥頂住, 再比足心機多做物理治療, 佢進度幾好, 無再痛痛喇; 除咗放大小二便同食餐時比佢出嚟行吓, 都係要繼續困籠休息啦!
春回大地, 達達毛髮跟返常理, 似乎復甦喇; 除咗後頸仲有D黑毛, 其他毛毛都換得幾好; 呢幾日乞嚏都少咗, 鼻水都差不多無喇, 總算平安過渡!
豆b呢......
自從傳心師講咗佢唔鍾意將食物打糊撈埋一齊, 我有試過遵從吩咐, 將菜炒香再分開放肉, 不過佢都係唔鍾意; 咁我又諗點佢先會覺得係好味?
最後調味都要出動殺手𨰝 - 雞肉baby food, 加一茶匙落去撈飯比佢, 有咗肉嘅香味佢都算肯比面去食啦; 只要佢肯食, 何妨每餐加少少比佢, 蛋白質問題都係先擱置, 先攪好佢肯食嘅過渡期; 可惜呢位小姐比面咗5餐, 又絕食, 琴日都係要打糊硬餵佢 :(
傳心師話豆b表示魚肉, 蛋同牛肉係佢最鍾意, 今日係食牛肉, 我再用雞肉baby food撈飯比佢, 菜飯同肉都分開唔放埋一堆,佢又真係肯食喎; 呢隻豬, 變得咁難服侍, 仲要睇睇聽日食魚會唔會都咁鍾意啦!
 |
| link: video 1 / video 2 |
豆b用順勢療法都有一個月喇, 應該療劑都有幫助啦, 佢一直都精神唔太差; 希望豆b往後會乖乖肯食餐, 身體壯D先有氣力打仗嘛, 更希望佢今次都如過往一樣, 同順勢療法好夾!
只要佢可以keep到唔急速咁變差, 我已經好滿足喇!
3隻豬變得越嚟越難服侍, 應該係年紀大咗有關, 我要更珍惜同佢哋相聚嘅時間!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
