 |
| 豆b都仲好精神 |
收拾心情, 為豆b搵食療補腎; 用新鮮食物, 為佢強化機能!
自從知道豆b有蛋白尿, 蛋白質吸取量一定要減, 無辦法!
控制蛋白質攝取真係好難, 狗狗天生都鍾意食肉啦, 邊會想食飯?
我一開始減肉, 就加上白飯, 做過好多資料搜集, 白米飯算最啱比腎狗做餐; 以前我從來唔會比白飯, 依家唔比就好難, 一來因為要利用碳水化合物降低蛋白質食物中嘅磷, 都要增加熱量嘛; 然後就照常加脫水菜, 不過菜就會用熱水浸洗幾次, 減低磷質啦; 仲特別訂咗適合腎病狗嘅綜合supplement, 又要留意油份; 唉, 其實咁做都未必合格, 但我知識有限, 盡做啦!
咁做出嚟比豆b食嘅3餐, 佢點會有胃口吖, 每次都要將食物打成糊狀, 用針筒餵入口, 我都覺得慘!
雖然話要減低蛋白質吸收, 但好多方面都要顧及, 節制飲食都要有D時間比佢開心嘛; 例如零食方面, 就用homemade餅餅, 咁可以有洗晒成份, 比我計算蛋白質嘅吸收; 正餐已經無胃口, 唔想連零食都唔比咁殘忍, 就計算好當為正餐嘅一部份!
不過豆b都唔係一定鍾意食餅餅, 反反覆覆好難因!
我又唔敢比太低嘅蛋白質, 身體太缺乏會造成肌肉耗損, 身體軟弱, 傷害其他器官等等; 自己又唔係營養師, 真係一步一驚心; 要控制蛋白尿唔令腎臟繼續受損, 又要其他得到平衡, 真係好大學問!
依家盡量比Moderate Protein 嘅飲食, 中庸一D希望做到平衡!
為咗3隻豬, 我已經做咗好多自己嘅無可能, 希望唔會有遺憾; 當然我做嘅並唔完美, 但自問已經好用心!
豆b早幾日一見開餐就掉頭走, 我真係好傷心, 好驚佢一厥不振!
一連幾日做咗個測試, 將全日嘅肉量無添加任何外物, 一次過喺早餐餵豬豆, 佢食得勁快又開心!
咁又唔可以話豆b唔肯食, 但餐餐咁食絕無可能啦!
依家每次早餐都見到佢期待嘅眼神, 係我哋嘅最happy moment!
努力搵適合嘅食材幫豆b補腎, Mi叫我試鮮淮山, 上網睇過, 鮮淮山可以幫助食慾不振, 健脾止瀉, 係腎病極品!
我將鮮淮山蒸熟加米湯打糊比豆b飲, 當然都要手餵, 好彩佢肯吞!
當然唔會忘記波波同達達, 有好嘢一定分甘同味, 就咁切碎加落常餐, 佢哋都食得好開心!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
