 |
| 相片連結 |
呢幾日3隻豬有好消息都有壞消息, 好消息唔講喇, 次次講咗無耐就出事, 總係唔好得耐囉; 為咗呢3隻豬, 我已經做咗好多八卦事, 都唔差在再做多次, 就當3隻豬仔小氣....
壞消息就係比達達又嚇死, 呢兩晚瞓到半夜佢都會驚醒, 硬晒呔手仔縮起; 我即刻抱起佢安撫, 再叫醒老公問係咪抽筋又嚟? 老公就叫我唔好過份緊張, 達達面部表情同身體動作都唔似, 可能發夢卦!
達達無游水狀態, 呢兩晚咁情況都係一兩秒定格, 之後就識鬧人, 日間都好正常, 但點解一連兩晚都發夢㗎?
都係再觀察啦, 反正抽筋都只係用藥控制, 目前無必要啦, 再觀察吓有無其他異常再作打算吧!
波波都仲要困籠, 不過多咗放佢出嚟活動, 今次唔會心軟, 要比佢足夠休息, 物理治療仍繼續, 希望唔會再痛!
可能自己真係太緊張, 比3隻豬攪到神經衰弱, 有少少風吹草動就心驚肉跳, 都真係要放鬆喇!
豆b情況如常, 食嘢都係有時合作有時唔合作啦, 早兩日同佢驗過蛋白尿, 成績仍未達標; 因為試紙上嘅顏色太接近, 改變太輕微唔敢確定有無睇錯, 似乎係有輕微好轉, 但咁當然唔理想啦!
由確診腎病到今日, 已經有兩個月喇, 豆b都仍係好好精神, 相信順勢療法係有一定療效, 慢性病係唔可以心急!
再請澳洲嘅 holistic animal practitioner為豆b再做多一次bioscan, 再睇睇清楚, 然後再實行之前佢哋提過嘅方案, 希望對豆b有更大幫助!
如果問我對順勢療法有無信心? 我可以肯定咁答, 到目前為止, 我仍極信任!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
