 |
| 相片連結 |
清明節, 點忙都要騰出時間去拜山, 還好豆b係用順勢療劑, 可以生動D調較食藥時間; 餵咗3隻豬仔食午餐, 就匆匆忙忙同老公出發!
今日天氣好熱, 還好尚有D風, 見到到處都有木綿花開, 好靚啊!
清明重陽我必定會去拜山, 雖然我無宗教信仰, 但"慎終追遠"呢四個字, 我從細就聽老豆講到大, 細個時隨父母去拜嫲嫲, 依家就要拜埋父母喇!
見到父母嘅靈位總覺得心靈特別貼近, 我相信父母都一定生活喺一個無憂無慮嘅好地方, 正如我相信狗狗離開後會往彩虹橋上守候, 等待再重聚嗰日來臨!
出門口前再三請工人姐姐要幫眼, 好好睇住3隻豬, 咩都唔好做喇; 佢都算好乖, 全程坐低守住晒 :)
豆b好似幾精神, 都比之前有返少少胃口, 但就變得非常挑食, 除咗淨肉咩都唔吼; 無論添加任何附加物, 佢一見就走人 :(
呢個情況真係令我好頭痕, 如果佢單係早期腎衰竭我都較易籌謀, 可惜要兼顧佢嘅蛋白尿, 就無可避免要限制蛋白質嘅吸收啦!
 |
| 得咁少肉又點夠喉 :'( |
要減低佢腎臟嘅負荷就要限制肉嘅份量, 見佢每餐都食唔夠咁又好不忍, 但都要硬實心腸真係好忍心!
為咗要佢飽肚又唔好瘦, 唯有增加澱粉質, 等佢有返熱量吸收; 但豆b又唔肯食其他食物, 要餐餐打糊仔餵入口, 見佢食得咁悽涼我都心罨!唯有比小食時間氹吓佢開心啦, 今次係黑芝麻芝士餅, 黑色食物主補腎; 不過豆b對餅餅無咗之前嘅熱忱, 時食時唔食, 都真係好難令佢開心!
 |
| 佢都唔一定鍾意餅餅咋 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
