 |
| 相片連結 |
澳洲嘅 holistic animal practitioner已經為豆b做咗另一次嘅bioscan喇, 結果令我好down, 佢話今次明顯見到豆b肝比腎差!
唉, 兜兜轉轉, 原來又去返葉醫生最初嘅判斷喇!
葉醫生之前係有講過豆b肝比腎嘅情況更壞, 佢同我講肝腎需要嘅蛋白質係相反; 肝需要高蛋白去修復, 而蛋白尿又需要控制在低蛋白, 根本好難攪; 佢話豆b鍾意食乜, 就由得佢食好喇!
之後再問過兩個醫生, 都話豆b無肝衰竭徵狀, 唔認為肝有事啦; 咁我就focus喺腎病上面, 控制佢吸收太高蛋白; 可能係咁, 肝嘅問題就明顯出咗嚟喇!
 |
| 午餐炒咗個蛋比佢, 一放低食得超快 |
既然真係無得攪, 咁我就比豆b食返多D肉啦, 反正死路一條, 飽死好過餓死嘛!
有人講過, 動物係好聰明㗎, 佢會識自己調較, 可能豆b都知道自己身體需要更多蛋白質啦, 所以佢只食肉, 蛋同奶!
好啦, 唔再執著喇, 一於比豆b食佢鍾意食嘅嘢啦, 就襯佢仲精精神神, 同佢出去行吓!
一路寫一路眼淚直流, 點難都要接受咁殘酷嘅事實, 但個心就痛到要深呼吸😭
但我會挺起胸膛往前行, 唔會比負能量控制, 更唔會影響豆b嘅情緒; 唔再諗路嘅盡頭有幾遠, 平常心咁日過日啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
