 |
| 相片連結 |
照顧豆b依家極費時, 每次要用針筒餵食, 都想像到係幾可悲!
豆b有病, 胃口改變都唔出奇, 人有病無胃口好閒事, 好返就會無事嘛!
最慘豆b呢個係長期病, 都唔會變好只希望拖慢衰退, 如果唔作出食物調較, 太高蛋白質個腎只會越嚟越衰, 有蛋白尿係有必要食物控制.
可惜豆b唔肯配合, 除咗佢鍾意嘅食物, 例如肉同羊奶會好快食晒, 其他比任何食物佢就寧願絕食啦; 明明見佢個樣係好想食嘅, 但一望到唔係肉就走開....唉, 我超無奈呀!
為咗比佢起碼有一個開心食嘢嘅時間, 每日嘅肉量都會放晒落早餐, 之後嘛, 就要將瓜菜同米飯打成糊仔, 用針筒強餵喇; 咁落去真係好慘, 我同佢都咁辛苦啊!
Ka話行到呢步不如搵傳心師同佢傾吓, 老實講之前有過嘅經驗, 我真係期望唔大; 達達之前都有3次求助過寵物傳心術, 但答案好模凌两可咁, 可能達達麻煩, 唔肯睬人啦, 咁高竇邊有信心幫到佢㗎!
不過Ka話都不妨試吓啦, 反正無傷害嘛, 喺無辦法中都唯有試試啦; 可能豆b性格唔同達達, 佢會肯同傳心師傾吓!
今次嘅傳心師係我嘅狗友, 佢係有正式認可資格, 而佢受訓嘅地方, 係我信任嘅工作坊; 如果話要信寵物傳心術, 目前我都只會相信呢間!
之前都有留意佢學傳心術嘅地方, 係好嚴謹好認真, 有道德操守, 好專業好有heart; 希望今次佢可以幫我同豆b好好構通吓!
希望經過呢次嘅傳心, 會知道一D我之前忽略嘅問題, 亦希望豆b明白, 我係唔會放棄幫佢搵辦法; 希望從此佢會好乖咁配合餐單, 好好咁食嘢啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
