真係夠麻煩, 今日到波波唔舒服唔肯食嘢喇!
今早發覺波波嘅poo poo有D爛又有潺, 都知又衰咗喇, 唔知會唔會因為琴晚我開咗冷氣, 凍親個肚仔啦; 波波好少唔食嘢, 都擔心㗎, 希望係少事腸胃問題啦!
餵咗佢食slippery elm, 無再肚屙, 但午餐都係唔肯食, 真頭痛啊!
餵咗少少粥水比佢, 由得佢休息吓啦, 希望好快無事, 聽日會龍精虎猛!
好多朋友都有相同建議, 豆b鍾意食肉就由得佢食啦, 好過絕食餓死嘛; 無論點, 肯食係大前題!
我雖然擔心高蛋白問題, 但見佢食得咁少, 好似餓到無力行; 即使我一日餵佢食糊仔有好多餐, 但佢都好似行到左搖右擺, 無力又點打仗呀?
琴日加咗肉嘅份量, 豆b明顯係有力返, 阿女都話唔好再過份節制喇; 其實我都真係無過份嘅, 已經比足moderate protein嘅上限, 但如果咁係唔可行, 就由得佢食過量少少啦!
D肉要用灼熟嘅方法減去磷質, 已經味道大減, 仲要話加菜加白飯, 佢無胃口寧願絕食都難怪!
又幫豆b配咗順勢藥喇, 配藥前同療師有過構通, 因為豆b嘅蛋白尿好似依然故我無回落, 佢哋話會加入新配方試吓; 順勢療法總係有本事令我無咁絕望, 佢哋話如果用一段時間都唔work的話, 仲有兩個方案可行!
完全feel到重視, 關心, 感覺好認真唔虛假!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
