kefir starter 超級乳酪

記得半年前豆b唔開胃, 對於一隻一向為食嘅狗狗, 有咁反常嘅轉變, 我梗係擔心; 即刻帶咗佢見醫生, 驗血照超聲波, 報告顯示早期腎衰竭係好大可能, 醫生本有意開一隻比腎病貓狗嘅益生菌, 作用係透過使用益生菌, 對腸道進行透析, 減慢尿毒素積聚,  保護腎臟免被進一步破壞.

係我嘅責任

波波食咗新配方嘅順勢療劑醫蛋白尿, 已經有3星期, 今日同佢驗早晨第一次嘅尿尿, 好失望都係無進展; PH值同尿濃縮度都唔理想, 腎功能好似向下調 :(
任我點做, 呢對twins嘅蛋白尿都好似攪唔掂, 有D感覺天旋地轉, 我已經唔識接招!

見招拆招 (w/album)

相片連結

真係好耐無帶3隻豬仔出去喇, 天氣熱到呼吸困難, 今日見好似有D風, 就同佢哋落樓下行吓; 行咗無幾耐, 已經熱到爆, 自己都唔想再行, 更加唔想佢哋熱得咁慘, 都係快快返屋企喇!

豆b用咗布緯療法後, 一直情況穩定無更差, 其實見到佢毛髮有進展, 毛質亦唔太壞, 厚番D喇; 不過近幾日又唔係好肯食, 又要手餵, 萬望佢唔好連布緯雪糕都唔肯食就好喇!
已經用針筒又餵咗有一星期, 連肉肉都唔肯自己食, 咁飄忽都唔知點攪 :(

長生不老

近日波波氣管有D唔妥, 間中會咳幾声, 我除咗比佢食順勢療劑, 當然再加上聞氣保養; 近日有留意毛孩聞氧氣作保健, 見到家長用狗籠做簡易嘅氧氣箱, 又比左我靈感, 用作舒緩氣管聞氣, 放小朋友入去都好方便喎!
又試下呢個方法是否可行, 希望做所有治療唔會帶比佢哋壓力, 琴日試放波波入去再開機, 好OK :)

又試吓黑杞子 (w/album)

相片連結

我已經好耐無放暑假呢個concept喇, 琴日A帶佢嘅小公主嚟探豆b,  因為要等放暑假先有時間!
諗返之前小公主嚟探訪3隻豬,  每次都係暑假喎 :)

3隻豬都好耐無見朋友仔喇, 依家出外更難, 天氣唔好豆b又身體差, 都好難出去喇, 但仍希望天氣轉涼D, 同佢哋出去行吓!

死過翻生

3隻豬暫時算係風平浪靜, 但唔係身體嘅毛病已解決, 豆b仍係身罹重病; 祇係今次從豆b嘅病, 我學會作出妥協,  唔再執意要求完美無瑕!
身體嘅機能隨住年紀老化, 本來就係正常事, 碰啱佢哋本身底子較差, 都無辦法, 我又有乜本事將呢個自然定律推翻?

但求盡量將唔理想嘅指標平衡吓, 基本嘅生活質素可以正常返, 食得瞓得去得行得, 我仲有乜嘢可求吖?

小白 - 轉載

當天　家裡一顆　陌生的心跳動
輕輕的擺尾搖出了　童夢
高低　一撲一跳　無需要說話內容
卻教我懂得　卸下沉重

堅持到最後

 
有幾日無updated 豆b, 都真係no news is good news, 自從用咗布緯食療, 我總算可以舒一口氣! 

之前嗰段日子, 豆b都係軟便, 每日都要食草本slippery elm,  我以為從今以後都要靠佢嚟調整腸胃喇, 肝腎問題影響, 要長食都無得走雞啦, 但自從食咗布緯, 豆b嘅便便又變返靚仔 :) 

take a break

 
一直七上八落嘅心情暫時可以take a break :)
豆b仍繼續食用布緯食療, 效果理想, 食呢個diet帶動到佢嘅胃口, 依家都算係每日肯自己食, 而體重都有少少回升喇(到咗惡病質嘅邊界線); 當然相比起佢正常體重, 仍有一段距離, 但比起佢最差嘅時期, 跌到得番1.4kg, 我已經好歡喜, 祇要唔好一直下滑, 我已經好感激!