今日照常準備早餐, 又聽到達達喺廚房門外催住晒, 呢隻豬仔依家最多聲氣, 任何時間聽到有叫聲, 唔使問一定係呢個刁蠻公主啦; 但再聽清楚D, 點解有二步合唱㗎?
行出廚房望吓, 見到3隻豬聚埋一齊, 而豆b... 佢猛轉圈又嘈嘈閉 :)
久違嘅場面, 好耐無聽過嘅叫聲....好開心啊!!!
懷住愉快嘅心情, 即刻轉返入廚房, 快手快腳準備早餐!
乖豬豆, 好開心咁跟住我到門口等開餐 :)
豆b無令我失望, 全兜肉肉好合作自己食, 從鬼門關前走回頭, 呢個轉變, 足夠將我呢段日子嘅壞心情撫平!
 |
| 晚餐又嚟等食 :) |
豆b好夾布緯療法, 只係咁簡單將兩種普通食物結合一齊, 但力量竟然係咁神奇, 咁巨大!
決定每日比豆b食兩次!
"工欲善其事, 必先利其器", 既然決定往後嘅日子繼續用呢個食療, 都係要買適合嘅工具; 布緯治療中心推介用電動手打棒打芝士, 但要留意買直刀頭, 我已經買咗返嚟, 今日買咗茅屋芝士, 等我試吓用新工具!
呢個手打棒真係超好用, 好容易將芝士打到又滑又幼細, 以後每個早晚加入亞麻籽油, 用手打拌勻, 唔難將兩者合為一體!
感恩有布緯, 慶幸跌入黑暗又從見光輝; 我唔祈求豆b長命百歲, 只求舒舒服服, 瞓得食得已經好安慰!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
