 |
| 相片連結 |
呢兩日波波又行到跛吓跛吓, 我都唔敢要佢做後腳運動, 唔知再做鍛鍊會唔會惡化; 同R哥哥傾過吓, 估計係天氣變化影響佢變差, 的確呢幾日係好潮濕, 濕度高到 90, 仲時冷時熱, 即使我已經盡力將室內溫度濕度調控, 似乎都幫助唔大; 已經竭盡所能去幫個仔, 往後都要靠佢自己努力喇!
兩隻豬仔年紀漸大, 身體毛病一樣樣浮現出來喇, 真係顧得頭唔顧得腳, 一整日團團轉無時得閒; 自己仲有能力做嘅, 當然想盡力幫啦!
早前喺FB腎貓群組, 睇到用艾灸盒敷腎俞穴, 話對腎病效果好好, 一見話好我又心動😁!
雖然我一直都有用艾棒幫波波, 但就要手唔停咁郁, 而且我一直係用無煙艾, 因為波波氣管唔好, 有煙薫住佢一定頂唔順; 但其實無煙艾條係經過碳化, 當然無天然艾草療效咁好!
依家知道有呢種艾灸盒, 就可以用天然艾條, 可以將點燃著嘅艾草條放入艾灸盒, 加上個防煙套; 琴日幫波波試做, 真係可以隔咗99%嘅煙, 祇聞到淡淡艾草嘅味度, 我今次係買咗10年陳艾, 味道幾清純, 波波唔怕嗆喉又唔會咳咳, 真係幾好!
最好係艾灸盒超方便, 唔使我不停用手碌, 可以放定咁敷👍, 咁當然波波都好乖, 唔會周身郁, 我諗暖暖哋都應該舒服; 波波被斷症係腎陽虛, 網上搵到嘅資料, 艾灸佢應該適用!
網上資料
所謂艾灸，就是透過灼或煙熏，利用熱力去刺激穴位，其用途和功效非常廣泛，有溫補陽氣、溫經通絡、祛瘀散結、補中益氣的作用。
簡單艾灸大功效
艾，是一種菊科草本植物，以湖北蘄州所產品質最佳。在使用之前，要先曬乾艾葉，再存放三至五年，讓其中的油份揮發至一定程度，才適合用於艾灸，有如「陳皮」一樣，儲存多年的「陳艾」是上品。
艾葉性辛溫而苦，有溫經止血，通經散寒的功用。艾灸療法是點燃艾草製成的艾炷，在身體需要施治的穴位上熏灸，使艾葉的藥氣和火力溫度透達肌骨經脈，從而達到治療疾病的目的。艾灸治療一般需時15至30分鐘。
艾灸能通經活絡，調補陽氣和驅散寒濕。艾灸療法不單取材容易，治療起來也很方便，而且功效顯著。
 |
| 方便艾灸盒 |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
