 |
| 相片連結 |
今日波波做第三次物理治療, 去到今次我先開始留意, 之前R哥哥有講過做K Laser嘅好處; 其實我以前根本唔知, 亦無做過research, 只係波波行得唔好, 我要再搵source去嘗試, 見到有comment話laser therapy幫助大, 即管試試!
一直都係屬意無入侵性嘅治療, 其實正路有好多方法可以試, 針灸, 脈衝, 按摩, reiki都應該幫到好多, 但我首要顧慮係波波肯接受, 強迫就無意思!
已經咁大年紀, 唔想強迫佢, 亦相信迫出嚟嘅效果唔會完美, 喺壓力下任何治療都可能會反彈出嚟, 無好處!
其實以上講嘅幾種方法波波都曾經嘗試, 當中reiki阿女keep住有幫佢做, 按摩都算係比較接受, 其餘兩項都嚇到佢扯晒氣, 最後剩返Laser therapy, 係最後出路可以有多一個選擇去試!
好幸運今次波波肯接受R哥哥嘅部署, 亦接受到laser therapy, 雖然整個療程有配合復康運動, 做到某種伸展動作, 感覺佢有唔舒服, 但佢都肯忍住👍!
阿女一直有幫兩隻豬做reiki, 我當然唔會間斷做輔助性治療, 照燈, 場效應治療, 無針針灸唔會停止, 比起進取性嘅治療, 可能康復進度慢D, 但好過動手術一刀切落去啦😝 , 而且... 我真係唔敢比佢再一次麻醉, 無得考慮!
今日做到第三次K Laser, 哥哥話佢後腿反應好咗, 做伸展時佢筋腱即刻脹住, 之前係無呢個反應嘅, 不過復健仲有一段路程; 其實早兩日已經見到波波行得扎實D, 之前佢後腳無力, 行到片吓片吓睇見個心翳住, 有進步已經較安心, 即使祇係些微好轉, 都比我好大鼓勵, 我會堅持!
https://articles.mercola.com/sites/articles/archive/2013/07/28/k-laser-benefits.aspx
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
