 |
| 相片連結 |
呢幾日好勤力, 每日兩次幫波波做艾灸, 其實勤力與否好在乎個仔嘅反應, 見佢表現得好享受, 就促使我滿滿正能量, 感覺佢會有所得益於艾灸後！
依家移師出廳做艾灸, 雖然話將艾灸盒放入防煙套後就無煙薰, 但仍有艾草味, 而我太多順勢療劑放喺房內, 都怕被干擾, 為求保險, 艾灸都係唔好喺房間逗留!
拎咗個太空棉墊, 包上BB尿墊膠, 防止棉墊沾上艾草味, 再諗吓點做波波會更享受!
呢幾日都有做些微改良, 希望越做越好, 突然記起我之前有為佢哋買咗腰枕, 放喺波波身邊比佢靠住, 佢一定更大安全感, 即刻實行; 見佢會一路艾灸一路瞓, 我真開心🙏！
琴晚做完我拆個艾灸盒, 個仔竟然唔肯起身, 唯有就咁放返落去比佢做多一陣😅!
依家宗旨係幫得嘅盡幫, 但大前提要佢哋接受, 唔添加壓力自然會有好轉, 要相信吸引力法則😜!
波波關節問題, 激光物理治療已經做咗4次, 但表現唔太穏定, 做完當日係見到有改善有好轉, 但並唔持久, 一、兩日間又好似去返開頭咁😖, 不過就摸到佢大腿再無大細邊, 肌肉幾平均!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
