 |
| 相片連結 |
又入貨, 原來醫療級嘅manuka honey對呼吸道問題真係有幫助!
年底阿女病咗, 喉嚨覺得乾, 我比咗豬仔用緊嗰半樽manuka honey佢, 叫佢每日飲用, 會有幫助; 反正兩隻豬仔都用咗一段時間, 我都想停用, 密糖都高糖份, 我唔敢用太多!
就係停用咗呢幾日, 就見到達達鼻水同乞嚏都多咗, 之前用緊時無留意, 而且達達用咁多嘢去幫助, 我唔知邊樣最好啊!
唯有即刻入貨, 但唔會每日都比達達用, 一星期用兩次咁多啦, 加埋liposomol C已經好大幫助, 每次用丁咁多, 應該無負面效果!
波波腳仔仍然無力, R哥哥檢查佢骨骼肌肉都仲係唔錯嘅, 主因當然係膝關節移位嚴重咗, 但估計佢變差係睇唔到後行少咗, 無好好鍛鍊肌肉去做support!
然後連鎖反應係我做錯, 一開始見佢行得唔好我怕佢整傷膝頭哥, 佢每行一步我都去扶住或者叫佢坐, 佢就越來越依賴我幫助, 減少咗靠自己力度去support; 越依賴就越差, 越差我越去幫, 咁就做成依家呢個結果!
R哥哥話做laser會幫佢關節消炎止痛, 但主要係需要幫佢build up返後腿肌肉, 咁就一定要家居適當運動; 根據波波情況, 先做最簡單嘅開始, 時間長短循序漸進!
今日分享波波嘅入門運動, 如果大家嘅小朋友想build up後腿肌肉, 試吓咁做呢個係頗溫和嘅!
比佢墊高前手企, 拉直腰缐, 將重心移向後腳, 每日做三次, target係每次企15-20分鐘; 不過原來咁企, 要堅持唔郁都幾辛苦, 波波第一日祇可以企到 3分鐘, 到今日就可以企 6分鐘, 都好大進步; 工人姐姐見波波罰企都肉痛, 話波波pity face, 我當然更心痛啦, 但為佢好, 祇能夠陪伴身邊打氣, 讚佢叻仔, 要加大力度hold💪💪💪!
媽媽總係好心做壞事, 波波你要靠自己爭氣!
經過幾日努力, 跟足R哥哥指示幫波波做訓練, 我亦根據之前買嘅按摩書, 用無針針灸筆照相關穴位, 再加埋照紅外線燈, 敷場效應暖墊, 係見到效果, 雖然佢嘅進步仲未持久, 但已經見到明顯分別!
我今次唔會心軟, 為佢好一定要好好鍛鍊, 但唔想強迫佢達到目標, 做吓休息吓因應佢接受程度就算!
以下兩條片, 第一條係星期一拍, 都行到跛吓跛吓, 但其實星期日做治療後已經有好轉; 第二條片係今日影嘅, 真係見到有分別!
Video taken on Monday
Video taken today
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
